sunnudagur, maí 15, 2005

Greinar Egils Helgasonar (sú nýjasta í DV í dag) og fleiri um glæpi Sovétmanna gagnvart eigin þjóð og öðrum þjóðum eru afar viðeigandi á þeim tímamótum þegar þess er minnst að 60 ár eru liðin frá lokum síðari heimsstyrjaldarinnar. Við vitum afar margt um glæpi nasismans og því er það tímabært þegar heimstyrjaldalokanna er minnst að rifja upp og halda á lofti öðrum glæpum sem framdir voru um þetta leyti: hreinsanirnar í sovéska kommúnistaflokknum, fjöldamorð á menntamönnum, fjöldamorð og þrælahald í tengslum við þjóðnýtingu landbúnaðarins, fjöldamorð á pólskum liðsforingum, nauðganir og morð á Þjóðverjum í stríðslok, Berlínarmúrinn, hernámið í Eystrastaltslöndunum, o.s.frv. o.sfrv. - Ég skil ekki hvers vegna mannkynið á ekki að læra af glæpum kommúnismans rétt eins og glæpum nasismans og mér finnst óþolandi hvernig beint og óbeint er alltaf gert lítið úr þeim verkum og kaldastríðsstimpillinn settur á þá sem vilja rifja upp þennan hluta sögunnar. Enginn getur þó sett kaldastríðsstimpil á Egil Helgason. -

17 Comments:

Anonymous Nafnlaus said...

Alveg er ég 100% sammála þér um þetta, það veitir ekkert af því að gera upp þá hrikalegu glæpi sem Stalín og eftirmenn hans frömdu og eru enn að fremja vítt og breitt um veröldina - þar á meðal heima hjá sér - í nafni kommúnismans, að maður minnist nú ekki á Kínverjana. Og svo væri óskandi að einhverjir færu í það líka að skoða oní kjölinn alla þá hrikalegu glæpi sem Roosevelt og eftirmann hans frömdu og eru enn að fremja vítt og breitt um veröldina - þar á meðal heima hjá sér - í nafni frelsis og lýðræðis.

12:44 f.h., maí 15, 2005  
Blogger Ágúst Borgþór said...

Ef við leggjum allt að jöfnu (eins og mér finnst þú vera að gera óbeint) þá sitjum við uppi með afstæðishyggju og verðum dofin fyrir þessu. Þegar loka heimstyrjaldarinnar er minnst er við hæfi og orðið fyllilega tímabært að beina í eitt skipti athyglinni frá glæpum nasista (sem svo rækilega hafa verið tíundaðir) og að glæpum annarra um þetta leyti. - Ég er almennt fylgjandi því að sagan sé gerð upp og menn hljóti makleg málagjöld. Það er t.d. afar gleðilegt að nú sjáist þess merki að böðlar fasista stjórna 8. áratugarins í S-Ameríku séu dregnir fyrir dómstóla. Þar voru afskipti Bándaríkjamanna ekki þeim alltaf til sóma, t.d. í El Salvador og Chile. Er það nöturlegt dæmi um afleiðingar kaldastríðsins og þess ástands sem það skapaði, þar sem menn gátu bara verið í öðru af tveimur liðum.

1:01 f.h., maí 15, 2005  
Anonymous Nafnlaus said...

rökvísin er tæp, í tilefni af afmæli eins er við hæfi að minnast einhvers annars: Í tilefni af því að Sigga á afmæli er við hæfi að minnast þess að Dísa á líka afmæli einu sinni á ári...

1:40 f.h., maí 15, 2005  
Blogger Ágúst Borgþór said...

Er það svo? Erum við ekki í raun (og þar með Egill líka) að ræða um sömu atburði í heild sinni? Við erum að ræða um sömu stríðsaðila, í einhverjum tilvikum sama stríðið og síðan eftirmála þess, þróun valda og stjórnmála í Evrópu eftir stríðið.

1:47 f.h., maí 15, 2005  
Anonymous Nafnlaus said...

Svo ég vitni í Eddie Izzard (úr Dress to Kill, sem ég mæli með að allt þenkjandi fólk sjái):


And Hitler ended up in a ditch, covered in petrol, on fire, so, that's fun! I think that's funny, ‘cause he was a mass-murdering fuckhead. And that was his honeymoon as well! Double trouble!

"Eva, let's marry."

"Where should our honeymoon be?"

"Well, in a ditch, covered in petrol, on fire. I've already arranged it upstairs."

"Oh, how romantic, Adolf."

"Yes, I thought!"

Fun! What a bastard! And he was a vegetarian, and a painter, so he must have been going, "I can't get the fucking trees… Damn! I will kill everyone in the world!"

And he was a mass-murdering fuckhead, as many important historians have said. But there were other mass murderers that got away with it! Stalin killed many millions, died in his bed, well done there; Pol Pot killed 1.7 million Cambodians, died under house arrest at age 72, well done indeed! And the reason we let them get away with it is because they killed their own people, and we're sort of fine with that. “Ah, help yourself,” you know? “We've been trying to kill you for ages!” So kill your own people, right on there. Seems to be… Hitler killed people next door... “Oh… stupid man!” After a couple of years, we won't stand for that, will we?

7:21 f.h., maí 15, 2005  
Anonymous Nafnlaus said...

En af hverju eru menn að leggja svona mikla áherslu á þetta einmitt í kringum Sigurafmælið hjá Rússum? Rússar eru um þessar mundir að fagna lokum stríðs sem kostaði 27 milljónir Rússa og annarra sovétmanna lífið. Og einmitt á þessum tímapunkti byrja menn að leggja áherslu á glæpi Sovétstjórnarinnar og það að sovésk stjórnvöld hafi hafið hernám í Austur-Evrópu. Svona eins og það megi ekki halda upp á stríðslokin án þess að minnast á það.

Ekki að það megi ekki ræða um það en en af hverju að reyna að yfirgnæfa fögnuð Rússa einmitt á þessum tíma með því? Ég held að fólk geri sér enga grein fyrri þýðingu þessa fyrir íbúa fyrrum Sovétríkjanna. Nánast allir áttu ömmu eða afa eða frændur og frænkur sem voru drepin í stríðinu.

Og svo hlaupa Egill og Mogginn til einmitt af þessu tilefni og vilja uppgjör við kommúnismann. Jafnvel að rússnesk stjórnvöld biðji Eystrasaltslöndin afsökunar á einhverju sem sovésk stjórnvöld gerðu, einhverju sem allt annað fólk gerði. Það er ekki eins og það hafi ekki verið nóg af fólki frá Eystrasaltslöndunum sem tók þátt í starfi kommúnistaflokksins í þeim löndum. Og raunar finnst mér alveg jafnfáránlegt að Þjóðverjar dagsins í dag séu að biðjast afsökunar og að Rússar dagsins í dag eigi að biðjast afsökunar.

11:02 f.h., maí 15, 2005  
Blogger Ágúst Borgþór said...

Á sama tíma og þessar mannfórnir stóðu yfir, fyrir og eftir, voru Rússar að murka lífið úr eigin fólki, í jafnstórum stíl, jafnframt því sem þeir stunduðu stríðsglæpi gagnvart Þjóðverjum, Pólverjum o.fl. Það er einfaldlega búið að tíunda svo rækilega glæpi Þjóðverja að það er kominn tími til að upplýsa og fræða um glæpi annarra málsaðila, ekki síst Rússa.

1:09 e.h., maí 15, 2005  
Anonymous Nafnlaus said...

Stefán Pálsson um þessa grein: http://kaninka.net/stefan/012540.html

Annars stendur þú þig vel í bindindinu og ert ekkert leiðinlegur þrátt fyrir það ;)

2:33 e.h., maí 15, 2005  
Blogger Ágúst Borgþór said...

Ég þakka bindindiskveðjuna. Það er sérstaklega líkamlega hliðin sem mér er ofarlega í huga, því ég er að upplifa dálítinn árangur þar sem ég vil ekki klúðra.

6:13 e.h., maí 15, 2005  
Blogger Ágúst Borgþór said...

Stefán tekur út eina hæpna fullyrðingu í grein Egils og skrifar nánast eingöngu í kringum hana.

6:31 e.h., maí 15, 2005  
Blogger Skarpi said...

Punkturinn hjá Stefáni er samt góður og gildur.

Skringilegast finnst mér samt hvað Egill hefur tekið þetta inná sig, bara um daginn var hann í klukkutíma hjá Kolbrúnu Bergþórsdóttur að ræða nákvæmlega þetta (amk það sem ég heyrði) og hann er búinn að vera að skrifa um þetta margoft núna.

Þetta er einhver krossferð hjá honum, einsog hann hafi séð Der Untergang og fyllst samúð með Hitler, eða finnist sem nasisminn njóti ekki sannmælis hjá 'helvítis kommunum' á Múrnum. Annars svaraði Sverrir Jakobsson þessari 'þráhyggju Egils' ágætlega fyrir rúmum tveim vikum: http://murinn.is/eldra_b.asp?nr=1593&gerd=Frettir&arg=6

6:43 e.h., maí 15, 2005  
Blogger Ágúst Borgþór said...

Egill hefur lengi verið þeirrar skoðunar að vinstri menn hafi ekki gert almennilega upp við Sovétkommúnismann. Margir þeirra studdu hann alveg fram á 9. áratuginn. Töluvert bar á slíkum málflutningi hjá Agli í tengslum við útgáfu Höfundar Íslands árið 2001.

6:46 e.h., maí 15, 2005  
Anonymous Nafnlaus said...

ok, geturðu nefnt einhvern íslenskan vinstri pólitíkus, virkan í stjórnmálum á 9. áratug síðustu aldar, sem studdi Sovétkommúnismann?

10:27 e.h., maí 15, 2005  
Blogger Ágúst Borgþór said...

Ég sagði aldrei virka pólitíkusa, heldur vinstri menn. Hversu lengi fylgdi Þjóðviljinn Moskvu? Fram að Afghanistan 1980? Til 1975? Ég man það ekki. Hvenær snerust Svavar, Guttormur, Árni Bergmann, Jón Múli (aldrei, reyndar nokkur undantekning), Þórbergur (aldrei, ég las stuðningsgrein við Stalín ritaða 1971; Einum kennt öðrum bent), Kristinn Andrésson, Ragnar Arnalds; - Ég veit ekki, snerust þeir nokkurn tíma, hættu þeir ekki bara að tala um þetta????

11:00 e.h., maí 15, 2005  
Anonymous Nafnlaus said...

bull í þér, komdu með eina grein sem Árni Bergmann skrifaði til stuðnings Stalín.

3:06 e.h., maí 17, 2005  
Blogger oakleyses said...

red bottom shoes, michael kors outlet online, true religion, tiffany and co jewelry, nike air max, oakley sunglasses, ray ban outlet, tory burch outlet online, tiffany jewelry, michael kors outlet, louis vuitton, nike outlet, oakley vault, kate spade outlet online, prada handbags, nike free, longchamp outlet, ray ban sunglasses, nike air max, coach outlet store online, burberry outlet online, christian louboutin, coach outlet, christian louboutin shoes, christian louboutin outlet, louis vuitton handbags, michael kors outlet store, michael kors outlet online, polo ralph lauren, cheap oakley sunglasses, chanel handbags, coach purses, coach outlet, prada outlet, kate spade outlet, polo ralph lauren outlet, burberry outlet online, longchamp handbags, true religion outlet, louis vuitton outlet online, gucci handbags, jordan shoes, longchamp outlet online, michael kors handbags, louis vuitton outlet, michael kors outlet online, louis vuitton outlet

2:00 f.h., nóvember 29, 2014  
Blogger oakleyses said...

birkin bag, ferragamo shoes, ugg, reebok shoes, asics shoes, insanity workout, hollister, giuseppe zanotti, chi flat iron, soccer jerseys, herve leger, jimmy choo shoes, uggs outlet, new balance outlet, replica watches, lululemon outlet, nike huarache, north face jackets, ugg boots, p90x workout, longchamp, canada goose outlet, uggs on sale, abercrombie and fitch, beats headphones, wedding dresses, vans outlet, valentino shoes, mac cosmetics, canada goose outlet, canada goose, uggs outlet, celine handbags, soccer shoes, nike roshe, mcm handbags, marc jacobs outlet, bottega veneta, mont blanc pens, ugg outlet, canada goose outlet, nfl jerseys, ugg soldes, babyliss pro, ghd, nike trainers, north face outlet, ugg boots, instyler ionic styler

2:13 f.h., nóvember 29, 2014  

Skrifa ummæli

<< Home