Var þetta ekki allt Davíð að kenna?
http://www.mbl.is/mm/vidskipti/frettir/2009/03/11/osk_um_gjaldthrotaskipti/
Það ætti enginn að geta tekið sér framar í munn orðin "Bláa höndin" án þess að roðna. Vegna þess að það hugtak snerist um meinta aðför meintrar Davíðsklíku að Baugsveldinu með fulltingi réttarkerfisins.
Er ekki endanlega ljóst að þessi fræga grein var skelfilegur þvættingur?
Eigum við þá ekki að hætta að tala um Bláu höndina? Grafa þá vitleysu með ýmsu fleiru.
Það er hættulegt fyrir rithöfunda að taka mjög eindregna pólitíska afstöðu. Allt frá Hamsun og Ezra Pound til Laxness til nútímamanna. Rithöfundar reynast yfirleitt hafa rangt fyrir sér í pólitík ef þeir fara í skotgrafir, skipa sér í pólitísk lið.
26 Comments:
Alveg sammala thessu.
Það er nálgun Sjálfstæðismanna að "bláa höndin" hafi snúist um þetta.
Þekkt áróðusbragð. Snúa útúr, endurtaka rangfærsluna, álykta út frá rangfræslunni.
Þessi ummæli hafa verið fjarlægð af höfundi.
Þú ert of klár og vel að þér til að falla í svona rökvillugryfju.
Það að Baugsmenn séu skúrkar þvær enga bletti af óvinum þeirra.
Hvorki Hitler né Stalín eru neitt betri fyrir það að hafa verið andstæðingar. Rússar segja reyndar (ca 50% þeirra í öllum könnunum): Stalín var góður leiðtogi. Hann vann stríðið.
Við eigum að vita betur. Misbeiting Davíðs og hirðar hans á valdi sínu blasir við. Það að höfuðandstæðingurinn sé drullusokkur líka breytir engu um það.
Nei kallinn minn - þessi frasi verður ekki "grafinn" enda alveg frábær.
Bláa höndin þýður nefnilega í dag annað og meir.
Nóg er að nefna bláu höndina og ALLIR SKILJA hvað við er átt.
Einhverskonar leynimakk, sukk, óheiðarleika, hroka, tuddaskap sjálfstæðismanna.
Hvað hver leggur í orðið er honum í sjálfsvald sett en merkingin er neikvæð og um sjálfstæðisflokkin.
Flott setning og hnitmiðuð og skal henni haldið á lofti um ókomna tíð.
Þetta er ekkert sérstakur frasi og greinilega rangur í þessu tilviki þegar yfirvöld voru að reyna að hafa hendur í hári grunaðra fjárglæpamanna og hlýtur að vera vont að hafa komið þeim með þessum hætti til varnar. HH er ekki öfundsverður af þessu og skuldar útskýringar.
Eins og hér sést neita sumir enn að horfast í augu við framkomnar staðreyndir.
Aðför Baugs í krafti auðs og fjölmiðla að nafngreindum stjórnmála og embbætissmönnum var skipulögð herferð til að eyðileggja viðkomandi. Eva Joly hefur talað um þetta og kannast við vinnubrögðin.
Baugsmálið er nú í allt öðru ljósi.
Hvað veldur því að einhverjir geta eki horfst í augu við þetta? Skömm eða samkennd með glæpamönnunum?
Broslegt og aumkunarvert að sjálfstæðismenn skuli alltaf notafrasann "...ALLT Davíð að kenna".
Nei - ekki var þetta ALLT Davíð að kenna þó svo sannarlega eigi hann margt og mikð slæmt skilið. Restin var nefnilega já mönnum hans, sjálfstæðisflokknum og "útrásarvíkingunum" að kenna.
Því skyldu 99% af útráðsarvíkingunum hafa verið sjálfstæðismenn - jú, það er sá flokkur sem hefur hyglt þeim mest með nánast afnámi reglugerða, máttlausu eftirliti og lötum embættismönnum.
Ekki ALLT Davíð að kenna - EN ALVEG ÓTRÚLEGA MARGT ÞÓ .
Hvað með Kjartan Gunnarsson, fyrrumframkvæmdastjóra Sjálfstæðisflokksins og formanns og varaformanns bankastjórnar Landsbanka Íslands - Var það ekki ,,helblá hönd".
Skiptir ekki máli hvað þessir tilberar heita - úr hvaða fyrirtæki - ætti að vera algerlega hafið yfir pólitík.
"blá höndin" er orðin klassík og komin til þess að vera
Þetta er athyglisverð áminning Ágúst Borgþór. Af því enginn annar hefur gert það, má rifja upp að greinin hét jú „Baugur og bláa höndin“.
Auðvitað er það rétt sem margir lesenda þinna (sem frambjóðandi samfylkingarinnar myndi kalla „nafnlausa hugleysingja“) segja: Orðin hafa fengið víðtækari merkingu núna. Þýða einhverskonar pólitískt einelti eða hrossakaup. Það er ekki við það ráðið. Orð fá vængi.
En greinin var skrifuð í sama dúr og Borgarnesræðan: Að Davíð Oddsson væri ekki nógu leiðitamur Baugi og Kaupþingi. Gott ef mótmæli hans við ofurlaunum voru ekki tekin sem dæmi um „eineltið“ sem hann átti að hafa lagt fyrirtækin í.
Það er þörf ábending hjá þér, að orðin þurfa að skoðast í því ljósi.
Bestu kveðjur og þakkir fyrir áhugaverð skrif.
Gísli Marteinn.
Var það ekki bláa höndin sem ýtti við fyrsta dóminó kubbnum?
Enda líka heyrist ekki múkk frá leigupennanum.
Hafið þið tekið eftir því að Hallgrímur Helga er hættur að tala um þetta.
Nú snýst málið um eldhúsáhöldin hans.
Þetta er allt Davíð að kenna. Þar hefuru það vinur minn ;)
Ég get rökstutt þessa skoðun. En ekki í nógu stuttu máli til að það passi hér.
Annars er þetta eiginlega exístensíal spurning orðin fyrir Íslending. Eða er jafnan stillt þannig upp í dag.
Menn eru ekki að biðja um rök með og á móti.
Meira til að hleypa boðinu upp, svona eins og að koma Liverpool og Man Utd aðdáendum í hár saman.
Ertu að hleypa boðinu upp Ágúst? :)
P.s. Ég vil einnig þakka Gísla Marteini fyrir áhugaverð kommentaskrif.
Hann semsagt þekkir það form?!?
Og ætlar þá væntanlega að opna fyrir slíkar samræður á eigin bloggsíðu? Eða hvað?
Sælir félagar
Það er svona eftir á að hyggja sorglegt að bláa höndin hafi eytt tímanum í að reyna að drepa þetta eina fyrirtæki meðan þeirra eigin menn voru að undirbúa icesave. Hverning hefði verið að huga frekar að almennu regluverki. Ekki bara búa til sérlög til að annaðhvort klekkja á hluta af baug eða senda saksóknara á eftir þeim. Ef þeir hefðu ekki verið á kafi í þessu eins og margoft kom fram þá hefðu baugsmenn farið inn fyrir sín brot. Það er allt þeim að kenna. Þeir vita það líka enda þorir engin af þeim aftur í framboð sem er úr þessum hópi.
Svo óska ég eftir að Gísli Marteinn skili milljónunum sem hann tók sér í "starfi" meðan hann sat í skóla í öðru landi.
Varrius: Ég geri mér svon sem grein fyrir því að rökfræðilega er ég veiku svelli. Auðvitað er það fræðilega hugsanlegt að Davíð hafi ofsótt Baug þó að á endanum hafi þeir farið húrrandi og stjarnfræðilega á hausinn af allt, allt, allt, allt öðrum ástæðum. Hins vegar er ekkert áþreifanlegt sem bendir til þess að Davíð hafi nokkurn tíma ofsótt Baug í raun og veru, ekkert nema innantóm fjölmiðlablaður og áróður árum saman.
Við erum ekki alltaf í heimspekinni, Varrius, þó að ég ætli seint að klára hana. Eins og Gísli Marteinn benti á (og ég þakka ágæta kveðju hans) þá hét greinin Baugur og Bláa höndin. - Vel má vera að Bláa höndin hafi verið yfirfærð á eitthvað annað síðar. En um þetta snerist málið síðar en það var bara bölvaður spuni sem Baugsmenn komu af stað.
Þessi athugasemd mín var ansi illa og flausturslega skrifuð en ég vona að innihaldið hafi komist til skila. Maður getur ekki alltaf verið að vanda sig.
Ágúst Borgþór wanna-be rithöfundur!
Sko, í fyrsta lagi þá bæði var og er bláa höndin tákngervingur fyrir hið mikla tak sem Sjálfstæðisflokkur Davíðs Oddssonar og klíku hans, náhirðarinnar, hefur haft á íslensku samfélagi.
Samfélagi ótta, klíkuskapar og einkvinavæðingar og þeirrar spillingar og vírus sem olli síðan falli íslenska efnahagskerfisins.
Blá höndin afhenti vildarvinum Davíðs og náhirðarinnar embætti, stöður, fyrirtæki (banka) og hinar ýmsu fyrirgreiðslur. Þetta átti við ef þú varst bæði þægur, meðfærilegur og innmúraður!
Þú skilur?
Hinir, líka þeir í Sjálfstæðisflokknum sem ekki nutu trausts náhirðar Davíðs og Co., þeir voru meðhöndlaðir eins og óvinir "ríkisins" og komust ekki að þó þeir væru hæfari, betur til þess fallnir o.s.frv. Leikreglur Davíðs voru æðri leikreglum lýðræðisins og hann komst upp með það.
Þetta er BLÁA HÖNDIN. Sú mikla hönd sem leiddi hér allt í þrot með siðleysi, hroka og mikilmennskubrjálæði.
Allir óvinir (þeir sem höfðu uppi efasemdir eða mótbárur við aðferðafræðina og siðleysið) bláu handarinnar voru lagði í einelti og þeir markvisst settir út af sakramentinu.
Hallgrími Helga rithöfundi var hótað að faðir hans gæti misst vinnuna út af skrifum sonarins! Það er blá höndin og vinnubrögð hennar.
Björgólfsfeðgar fengu Landsbankann (Sjálfstæðisbankann) sökum sterka tengsla við flokkin, þó að aðrir biðu betur, enda var Kjartan Gunnarsson framkvæmdastjóri flokksins aðalnúmerið í flokknum.
Þetta er bláa höndin, Ágúst!
Komum þá aftur að spurningu þinni:
Er þetta allt Davíð Oddssyni og náhirð hans að kenna, þ.e.a.s. fall íslenska fjármálakerfisins og að öll íslenska þjóðin sé skuldsett til helvítis og fyrirtæki og einstaklingar að fara í gjaldþrot í stórum stíl? Og að orðspor Íslands og íslendinga um allan heim sé ónýtt og ekki lengur hægt að stunda viðskipti þar sem allt lánstraust er farið fyrir lítið?
Svar:
Nei, það er ekki allt Davíð og náhirðinni að kenna. Það er líka öllum hinum, almenningi og samherjum Davíðs í Sjálfstæðisflokknum, að kenna sem þorðu ekki að standa upp og mótmæla þegar grunnur spillingarkerfisins var lagður.
En, já, það er að langmestu Davíð Oddssyni og náhirð hans (Gísla Martein, Sigurð Kára, Birgi Ármanns o.s.frv.) að kenna hvernig fór. Einkavinavæðingin var andvana fædd sökum spillingar sem lýst hefur verið að framan.
Framsóknarflokkurinn, undir stjórn Halldórs Ásgrímssonar, ber einnig mikla ábyrgð því þessir tveir flokkar stóðu að einkavinavæðingunni og skiptu þessu á milli sín í mesta bróðerni.
Ég vona að þessi söguskýring hjálpi þér, Ágúst Borgþór, að skilja betur hvað hefur hér átt sér stað undanfarin ár. Þú, sem verðandi rithöfundur, getur líka farið upp í Þjóðarbókhlöðuna og lesið þér til um þetta tímabil frá 1999-2000 fram á daginn í dag. Þá áttarðu þig betur á þessu.
Það að þú skulir vega að Hallgrími Helgasyni, alvöru rithöfundi, fyrir samfélagsrýni hans og kjark til að skrifa um ógnarástandið (sem allir skynjuðu) undir stjórn Davíðs Oddssonar og þá þöggun byggða á ótta og vanmætti almennings, gagnvart sama ástandi, lýsir smásálarhætti manns sem ekki hefur mikla getu og/eða metnað.
Ég vona þú takir þér tak og farir í mikla sögu-og naflaskoðun og myndir þér þína eigin skoðun byggða á reynslu.
Sá rithöfundur sem ekki er næmur á samtíma sinn og skynjar hann ekki einu sinni getur ekki verið merkilegur rithöfundur og líklegur til stórra afrekar, því miður.
En wake up, Ágúst Borgþór, og lestu samtíma þinn á sjálfstæðan og yfirvegaðan hátt og segðu okkur svo frá niðurstöðum þínum.
Góðar stundir,
Friðrik Gunnar
Svo mun, að hætti þeirra sem ekki þora eða vilja horfast í augu við eigin gerðir, sérlega ef afleiðingar þeirra eru voðalegar, að menn fabulera um eitthvað, bara eitthvað annað en það sem gert var eða sagt var.
Svo mun um andstæðinga þeirra sem vildu hefta með almennum reglum, ofurútrásarmenn okkar, sem nú eru ekkert annað en útfararmenn.
Það viðurnefni er við hæfi, þar sem hirð þeirra var nánast allir klæddir eins, jkarlar í svörtum Armani jakkafötum með tilbrigðum í hálstaui /eða sportlega útgáfan með ekki hálstau. Konurnar í þröngum dökkum dröktum og skóbúnaði í takt eða sportlega útgáfan í blússum og pilsum í takt.
Þetta lið --löffar og verðbréfa lið,--varði allt sem eitt ofurþjófana og sinntu erindum þeirra af mikilli natni.
Löffarnir við stefnur og stofnun ehf í útlöndum og hér,--verðbréfaguttarnir við þá iðju sína, að svindla og ljúga verðbréfum og slíku upp á varnarlaust fólk, líkt og ekkjan sem missti allt sitt í verðbrefakaupum rétt fyrir fall. Handgenginn sjóðstjóri Kaupþings Einars og Baugs Jóns, seldi bre´f í KAUPÞINGI OG GLITNI sem ofur arðgefandi ,,vöru".
Fjölmiðlarnir í eigu Baugs OG stór hluti RUV sem eru úr allskonar ,, komatittsflokkum" vörðu þjófagegnið GEGN þjóð sinni og öttu Davíð auri allt fram á síustu vikur. Lugu og affærðu allt sem sagt var eða gert var í aðdraganda þessa svikamyllu starfsemi.
afsakið langhundinn en svona gerist stundum.
Miðbæjarihaldið
Ofboðslega eiga menn erfitt með að sundurgreina. Það er öllu blandað saman Spurningin "Var þetta ekki allt Davíð að kenna?" var spurning um fall Baugs. Ég ætla ekkert að draga í efa að Hallgrími hafi verið hótað með atvinnumissi föðurins, ég hef ekki hugmynd um það. En greinin snerist um Baug og ofsóknir gegn Baugi. Nú segir víðfrægur fransk/norskur rannsóknardómari að dómur yfir Baugsmmönnum hafi verið of vægur.
Þetta eru leiðinlegar skotgrafir, "heldurðu með Davíð eða Baugi?", og heimskulegar, enda hélt Hallgrímur með Davíð áður en hann fór að halda með Baugi, sagði m.a. koma dýfur í efnahaginn bara þegar Davíð færi í frí, og Davíð hélt með Hallgrími og prísaði í áramótaræðu: http://www.forsaetisraduneyti.is/radherra/raedur-og-greinar/nr/360
Það er hvort tveggja jafn vitlaust að halda með og klappa fyrir fjárglæfraamönnum og spilltum stjórnmálaflokki sem gerði kleift að klúðra hlutunum með markvissu eftirlitsleysis-agenda. Þú ert á góðu róli að ætla að kjósa VG, Ágúst.
Eg vil bara fa sannleikann a thvi hvernig i andskotanum gat thjodin ordid svona skuldsett a stuttum tima .
Afhverju var logid ad thjodinni i sambandi vid fjarthurrd bankanna ?
Afhverju brast allt eftirlit ?
Afhverju var engin heildarsamrynt hagstjorn i landinu ?
Afhverju voru lanalinur gagnvart islensku utrasafyrirtækjanna i engu samræmi vid verdmæti fyrirtækjanna?
Afhverju er engin latin taka abyrgd a Icesave bullinu ?
Afhverju fekk Kaupthing 500 millard. tryggingu og lagdi medal annars ved FIH bank sem er 30 % af thvi vedi sem var lagt upphaflega.
Illugi Gunnarsson fyrsti madur blau handarinnar i Reykjavik hefur ekki skyrt fyrir mer hvada hlutverki hann gegndi i sambandi vid sjod nyju i Glitni ?
Afhverju sagdi Olafur Magnusson fyrrverrandi felagsmalaradherra med tilkomu 100 % lanamoguleika væri til ad hjalpa unga folkinu til eignast husnædi (hvar er thetta unga folk i dag, ju i raun og veru eign bankanna). Kallast vist atthagafjotrar...
osv ....
jordan shoes, tory burch outlet online, louis vuitton outlet online, ray ban sunglasses, louis vuitton, louis vuitton handbags, christian louboutin shoes, cheap oakley sunglasses, true religion outlet, michael kors outlet online, oakley sunglasses, michael kors outlet online, burberry outlet online, ray ban outlet, tiffany jewelry, louis vuitton outlet, longchamp outlet, red bottom shoes, coach outlet, kate spade outlet online, kate spade outlet, longchamp handbags, michael kors handbags, michael kors outlet online, burberry outlet online, louis vuitton outlet, polo ralph lauren, michael kors outlet, gucci handbags, longchamp outlet online, nike outlet, true religion, coach outlet, nike air max, coach outlet store online, tiffany and co jewelry, chanel handbags, nike free, christian louboutin outlet, michael kors outlet store, polo ralph lauren outlet, nike air max, christian louboutin, coach purses, prada handbags, oakley vault, prada outlet
pandora charms, moncler, toms outlet, timberland shoes, ray ban, hollister clothing, swarovski uk, canada goose, montre femme, ralph lauren, converse shoes, ugg, moncler, supra shoes, pandora uk, hollister, links of london uk, swarovski jewelry, uggs canada, baseball bats, gucci, lancel, canada goose, pandora jewelry, wedding dress, juicy couture outlet, moncler, hollister canada, thomas sabo uk, canada goose, iphone 6 case, coach outlet, replica watches, oakley, canada goose pas cher, parajumpers outlet, louboutin, moncler, moncler outlet, air max, karen millen, converse, vans, moncler, moncler outlet, louis vuitton canada, juicy couture outlet, nike air max
Skrifa ummæli
<< Home