Brot

Getur einhver sagt mér hvers vegna ekki er búið að lækka vexti? Hvers vegna lækkaði Seðlabankinn þá ekki á mánudaginn? Á þriðjudag? Á miðvikudag eða í gær? Hvers vegna ekki í dag? Er til sá maður á landinu sem gæti mælt því í mót að lækka ætti vexti strax?

****

Þegar útrásarbröltið stóð sem hæst hugsaði maður: Það skiptir engu máli hvort þessi leikfangakeðja Jóns Ásgeirs fer á hausinn eða ekki, þetta eru hans peningar. Og það sama gilti um aðrar fjárfestingar erlendis. Ég hélt að mér kæmi þetta ekki við. Ég er líka bara amatör.

Gallinn er sá að fjölmargir aðrir sem meira vit hafa á fjármálum föttuðu ekki afleiðingar krosseignatengslanna, föttuðu ekki að allt brölt þessa manna var partur af sömu spilaborginni sem nú er hrunin.

Ef við lifum þetta af gæti útkoman orðið skemmtilegra þjóðfélag. Þar sem örfáar viðskiptafblokkir eiga ekki allt. Þar sem venjulegur maður getur opnað sjoppu á götuhorninu og lifað góðu lífi af henni.

Þar sem fjármálavaldið verður bara einhver sætur kolkrabbi, hlægilega lítið ríkur miðað við útrásarvíkingar síðustu ára.