Ég er enn að reyna að ná reyklyktinni úr jakkafötunum eftir föstudagskvöldið. Ég er hins vegar hættur í vindlunum. Þannig er það. Ákvað það í gær. Það er skelfilega hégómlegt en mig langar til að halda í leifarnar af unglegu útliti eins lengi og ég get. Reykingar eru því ekki lengur inni í myndinni en hófleg áfengisdrykkja verður stunduð áfram, hollt mataræði og hreyfing. Ég veit ég er viðbjóðslega leiðinlegur en mér líður vel með þessar ákvarðanir.