föstudagur, febrúar 11, 2005

Mér þykir dálítið leiðinlegt hvað ég er í litlu áliti hjá Borgarbókasafninu því það er skemmtilegur staður sem ég held mikið upp á, sérstaklega aðalsafnið við Tryggvagötu, þar sem aðstaða öll er til sóma. Í haust var gerður smásagnaveggur í hillunum frammi þar sem mátti sjá marga tugi smásagnasafna. Ég þurfti hins vegar alltaf að setja bækurnar mínar sjálfur þar í hillurnar. Þær hurfu síðan þaðan í útlán á meðan flestar, en ekki allar aðrar bækur í "veggnum" hreyfðust ekki. Bókmenntagagnrýnandi safnsins gaf mér afleitan dóm á bokmenntir.is og sakaði mig m.a. um byrjendamistök eins og að láta of mikið uppi og segja of mikið í sögunum (án þess að koma með eitt einasta dæmi um það) á sama tíma og tveir mun þekktari gagnrýnendur jusu mig lofi. - Aðalsafnið keypti þrjú eintök af bókinni minni í lok janúar, eftir töluverðan eftirrekstur. Til samanburðar keypti safnið 5 eintök af Nóttinni og alverunni eftir Pjetur Hafstein Lárusson snemma í október, ennfremur 3 eintök af ljóðabók Kristians Guttesen. - Bókin mín er nú í útláni á landsvísu í 21 eintaki (sem er ekkert sérstakt), bók Pjeturs Hafstein í 5 eintökum og Guttesen í tveimur. - Hermann Stefánsson er til í mun meira upplagi en ég á bókasöfnum og var keyptur á aðalsafnið í nóvember. Hann er í útláni í 22 eintökum núna. - Skáldsagnahöfundarnir eru í mun meira útláni, líka þeir minna vinsælu. Norðdahlinn í 28 og Kristín Ómarsdóttir í rúmlega 30 eins og stendur. - Það væri lítið gaman af því að vera rithöfundur á Íslandi fyrir meirihluta höfunda ef ekki væru bókasöfnin. Margir fá mun fleiri lesendur þar en á sölumarkaðnum.

OG PLÍS - ÞARF ÞETTA ENDILEGA AÐ KOMA Í DV? - ÞETTA ER EKKI FRÉTTAEFNI Í GULU PRESSUNNI.

9 Comments:

Anonymous Nafnlaus said...

Er þetta ekki pínulítið langt gengið í talningum? Hefurðu nokkuð fengið nöfn og kennitölur lánþeganna, sett í súlurit og hringt svo í þá?

5:08 e.h., febrúar 11, 2005  
Blogger Ágúst Borgþór said...

Maður er ekki nörd fyrir ekki neitt.

5:15 e.h., febrúar 11, 2005  
Anonymous Nafnlaus said...

Ertu búinn að gera lestrarlíkan eftir búsetu? Þú gætir látið Gallup koma að þessu, hringja í lesendurna, ertu a)mjög ánægður með bókina b)þokkalega sáttur c)ekki ánægður

5:28 e.h., febrúar 11, 2005  
Blogger Ágúst Borgþór said...

Þetta er ekki vitlaus hugmynd.

5:29 e.h., febrúar 11, 2005  
Anonymous Nafnlaus said...

Æj, þessar sögur þínar snerta mann ekki. Ég veit ekki alveg hvernig ég á að segja það, persónurnar eru ekki eftirminnilegar eða vekja neitt í manni.
Því miður er það víst þannig að fólk sem lánar mikið efni á bókasafni kaupir ekki endilega fleiri bækur. Þannig að bókasafnið kemur ekki fólki á bragðið.

6:38 e.h., febrúar 11, 2005  
Blogger Ágúst Borgþór said...

Nei, það er ekki fylgni milli útlána og sölu. En bókasafnsnotendur eru lesendur. Þetta snýst ekki um peninga.

6:40 e.h., febrúar 11, 2005  
Blogger Ágúst Borgþór said...

Já, lesendur eru misjafnlega næmir og djúpir. Það þarf að æpa allt framan í suma, persónurnar þurfa að vera öfgafullar og helst ekki of líkar lesendunum sjálfum. Brúðurin þarf að hlaupa burtu frá altarinu.

6:42 e.h., febrúar 11, 2005  
Blogger oakleyses said...

red bottom shoes, michael kors outlet online, true religion, tiffany and co jewelry, nike air max, oakley sunglasses, ray ban outlet, tory burch outlet online, tiffany jewelry, michael kors outlet, louis vuitton, nike outlet, oakley vault, kate spade outlet online, prada handbags, nike free, longchamp outlet, ray ban sunglasses, nike air max, coach outlet store online, burberry outlet online, christian louboutin, coach outlet, christian louboutin shoes, christian louboutin outlet, louis vuitton handbags, michael kors outlet store, michael kors outlet online, polo ralph lauren, cheap oakley sunglasses, chanel handbags, coach purses, coach outlet, prada outlet, kate spade outlet, polo ralph lauren outlet, burberry outlet online, longchamp handbags, true religion outlet, louis vuitton outlet online, gucci handbags, jordan shoes, longchamp outlet online, michael kors handbags, louis vuitton outlet, michael kors outlet online, louis vuitton outlet

1:27 f.h., nóvember 29, 2014  
Blogger oakleyses said...

uggs canada, louis vuitton canada, wedding dress, moncler outlet, vans, toms outlet, moncler, oakley, moncler, coach outlet, lancel, moncler, supra shoes, hollister clothing, pandora uk, montre femme, ray ban, ralph lauren, canada goose, canada goose, pandora charms, pandora jewelry, juicy couture outlet, parajumpers outlet, baseball bats, iphone 6 case, thomas sabo uk, canada goose pas cher, hollister, juicy couture outlet, converse, ugg, converse shoes, replica watches, moncler, canada goose, air max, nike air max, gucci, links of london uk, moncler outlet, louboutin, swarovski jewelry, swarovski uk, moncler, timberland shoes, hollister canada, karen millen

1:43 f.h., nóvember 29, 2014  

Skrifa ummæli

<< Home