Annars er allt gott að frétta
Ég þarf að láta svæfa köttinn. Hann er farinn að sækja í að skíta inni, kemur inn beinlínis til þess að skíta í gamla sófann í vinnuherberginu. Ég þurfti að þrífa viðbjóðinn í morgun og var að verða of seinn í vinnuna þegar ég uppgötvaði það.
Á stígnum í Hljómskálagarðinum féll ég síðan kylliflatur af hjólinu. Stígurinn allur svellaður. Það var nokkuð sárt en ekkert brotnaði eða skemmdist.
40 Comments:
Já, hef dottið þarna sjálfur á hjóli. Rann þá marga metra á hlið. Mjög töff. Hann er lúmskur stígurinn við Hljómskálagarðinn auk þess eru menn ansi seinir að sanda þarna.
Hvað segja Freyja og Kjartan ef þú svæfir köttinn? Held að þú ættir að athuga sandinn hans áður en þú drepur hann. Hann er örugglega að segja þér að hann sé ekki boðlegur. Kannski er líka kattargreyið veikur. Beittu vægari úrræðum áður en þú grípur til þeirra alvarlegu. Árni Magnússon klikkaði á því og kostaði ríkið í gær 6 milljónir.
Hvað kostar það þig ef þú drepur köttinn að ósekju?
Býr ekki Gústi í blokk? Kettir eru ekki skapaðir fyrir blokkir. Hreinasta Gúlag fyrir greyið.
já, athuga kassamálin og heilsuna hjá kisa. Ef kötturinn er ekki að gera þetta af veikindum eða elli, þá er hann að mótmæla.
Þú gætir þurft að losa þig við gamla sófann. Ef lyktin er komin í hann þá heldur kötturinn að þetta sé eðlilegur staður til að gera þarfir sínar.
Nei, ég bý ekki í blokk. Þetta er hæð með sérinngangi. Við höfum engan kassa fyrir köttinn, vöndum hann á að gera stykkin úti fyrir löngu síðan enda er hann alltaf úti. Undanfarna mánuði gerir hann sér hins vegar ferðir inn aðallega til að skíta. Og hann skítur ekki bara í sófann gamla. Hins vegar mígur hann aldrei inni. Kötturinn er ekki gamall. Æ, mikið vildi ég vera laus við hann.
Þú getur ekki látið svæfa köttinn þinn fyrir þetta! Ef þú gerir það læt ég svæfa þig hjá trukkalessunni á Skólavörðustígnum... Hann er að gera þetta af því að honum líður eitthvað illa eða er ósáttur við eitthvað. Hvar er manngæskan Ágúst? Myndirðu láta svæfa ömmu þína fyrir sömu sakir?
Ég veit ekki við hvað fjandann þessi köttur ætti að vera ósáttur. Ég fóðra hann reglulega á harðfiski, hann er ungur og hraustur og allir eru góðir við hann. Kannski finnst honum þetta bara gott. - Hver er þessi trukkalessa?
Kattaníðingur!
Ágúst, ætlar þú að taka við af Kattakonunni?
Ekki ennþá
Ekki ennþá? þú ætlar sem sagt að taka við af henni?
Ég var að svara hinum, sem sagði "kattaníðingur".
Ég held að ferð til dýralæknis væri besta ráðið til að byrja með. Kötturinn er ekki að gera þetta af illgirni, Ágúst, og mér finnst mjög hæpið að hann sé orðinn geðveikur eða eitthvað svoleiðis. Veikindi eða mótmæli eru líklegustu skýringarnar, og það er ekki fallegt að fella dýr ef það er lasið eða að mótmæla einhverju. Dýrin geta ekki tjáð sig með orðum, og verða því að nota aðrar leiðir. Það er ansi grimmdarlegt að hlusta ekki. Læknirinn getur örugglega sagt þér hvað bjátar á.
...ellegar dýrasálfræðings
Þessi þarna á Dýralæknastofu Dagfinns. Veistu ekkert? Það er í alvöru til einhver betri lausn en að láta svæfa dýrið, án gríns. Það er virkilega ljótt þegar fólk notar svæfingar sem skyndilausnir á vandamálum sem tengjast gæludýrunum þeirra. Öll líf eru jöfn og hafa sama rétt.
Ég held að þú hafir bara skrifað þessa færslu til að ergja mig!
Nei, ég var nú ekki að hugsa um þig þegar ég skrifaði færsluna, nýbúinn að skrúbba helvítis drulluna eftir köttinn. En þú þarft ekki að hafa áhyggjur, ég fær aldrei leyfi til að svæfa köttinnn.
Öll líf jöfn og hafa sama rétt?
Sælir, ég er farinn að fá mér hamborgara.
Auðvitað á að slá greyið af. Öll dýr hafa sama rétt bla bla. Þetta er engin skyndilausn, þegar hundar bíta rollur í sveitinni þá eru þeir slegnir af.
Þegar kettir skíta inni þá myndast heilsufarsleg stórhætta (minni á Trainspotting) þar sem skíturinn úr köttum er mjög eitraður. Og ég leyfi mér að efast að fólk meti heislu barna sinna minna en heilsu gæludýra. Semsagt þegar dýr lifa ekki eftir reglum okkar mannanna þá er best að drepa þau.
Það er samt svo óskaplega mikill óþarfi að gera lítið úr skoðunum annarra.
Ég er mjög eigingjarn. Mér er alveg sama um köttinn en mér er ekki sama um börnin. Þess vegna lifir hann. Ég gæti ekki haft fatlaðan einstakling á heimilinu, ég hef ekki tíma til þess, og því síður hef ég tíma til að nostra við þennan kött. Svona er ég´nú bara, en ævin er stutt, ég vinn 50 tíma á viku á auglýsingastofu, þvæ þvotta, fer með krakkana mína á æfingar og margt fleira - og í frístundum mínum verð ég að skrifa og hef ekki tíma í að láta þær snúast um þarfir þessa málleysingja.
ææ, ég lofa að gera þetta aldrei aftur
- þinn kisi.
Ágúst! Segðu mér að þú sért að grínast! Í alvörunni, gerðu það! Þú ert að láta út úr þér þvílíkt rugl hérna að ég hef aldrei séð annað eins. Ég bjóst alls ekki við þessu frá þér. Það er eitt að ætla að svæfa kött án þess að leita fyrst ráða frá dýralækni um það hvort það sé ekki hægt að laga vandamálið. En að láta út úr sér setningu eins og „Ég gæti ekki haft fatlaðan einstakling á heimilinu, ég hef ekki tíma til þess“ ber vott um heimsku og eigingirni sem ég hélt ekki að þú værir fær um. Síðan hvenær er það val hvort þú hefur fatlaðan einstakling á heimilinu? Ef annað barnanna þinna hefði fæðst fatlað hefðirðu þá sent það í burtu? Gerirðu þér grein fyrir því hvað þú ert að segja við fólk sem á fötluð börn með því að skrifa svona hluti? Ég hef alltaf haft gaman af því að lesa bloggið þitt, en það fauk virkilega í mig þegar ég las þetta. Þetta er hlið á þér sem ég hef ekki séð áður, og mér líkar alls ekki við hana.
Eg held nu ad hann hafi skrifad thetta i algjorru hugsunarleysi.Ekki honum likt.
HB
Nei, hver myndi plana það á aðventunni að farga kettinum?
Ég efast ekki um það að kattasvæfingarnar hafi verið hálfkæringsgrín eitthvað. En ef setningin um fatlaða einstaklinginn var grín var það einstaklega misheppnað og allt of smekklaust (og ég er mikill aðdáandi smekklauss gríns). Fyrir utan það að þetta hljómar ekki eins og brandari.
Það er náttúrlega ekki auðvelt að vera köttur meistarans, sennilega erfiðara að fara sínar eigin leiðir.
En hvað með þennan gamla sófa? Sá er nú ekki þokkalegur fyrst kötturinn metur hann svona.
Ja, það er sama hvað þú æsir þig, Eyvindur, þetta er bara hreinskilni. Ef ég ætti fjölfatlað barn þá færi það á stofnun.
Hvað er eiginlega að ykkur?! Gústi kann að hafa skrifað eitthvað í skilningsleysi eða vanþekkingu eða reynsluleysi hér að ofan en kommentin sem hann fær fyrir vikið bera náttúrlega vott um þvílíka firringu og þvílíkt ábyrgðarleysi í meðferð orðanna að ég hef sjaldan séð annað eins.
Til Gústa: Þú getur stillt bloggið þitt þannig að þú fáir aðeins komment frá skráðum notendum sem þurfa ekki, vegna ósómans sem tifar í heilasellu þeirra, að leyna því hverjir þeir eru.
Ertu þá að segja að Gústinn sé vitlaus?
Barnið færi á stofnum. Ég myndi ekkii afneita því, ég myndi heimsækja það, en ef barnið þyrfti stöðuga ummönnun þá færi það á stofnun.
maður "setur" ekki fötluð börn á stofnun í dag. "Hæli" eru ekki lengur til. Þau fara í skóla eða dagvistun, hægt er að fá stuðningsfjölskyldur til aðstoðar, skammtímavistanir til að létta undir, en annars er gert ráð fyrir að þau séu heima. Það er nær vonlaust að fá sólahringsvistun fyrr en barnið er orðið fullorðið, og jafnvel þá eru áralangir biðlistar eftir sambýli.
Ég myndi borga.
Þetta er skítleg hlið á þér Ágúst. Ég á fatlaðan ættingja og það hefði ekki nokkrum dottið í hug að henda honum bara til hliðar. Skiptir vinnan þig meira máli en fjölskyldan? Það er ljótur eiginleiki.
Ég veit ekki hvort það að setja faltaðan einstakling á stofnun sé það sama og að "henda honum til hliðar." - Þetta er það sem ég myndi gera, ég get bara ómögulega séð hvað það káfar upp á aðra. Ég gæti t.d. ekki breytt hlutskipti mínu úr sæmilega efnuðum vinnandi manni og frístundarithöfundi í fátækan ummönnunarþræl, jafnvel þó að sá ég ætti að annast um væri ættingi minn. Spá þú aðeins í það sem líklega hefur aldrei þurft að hugsa um annan en sjálfan þig og eflaust ekki alltaf staðið undir því (ef þú ert dæmigerður, latur og sjálfselskur ungur maður, eins og ég var) - spáðu aðeins í það ef þú stæðir frammi fyrir því að fórna öllum þínum framtíðardraumum til að þess að hugsa um fatlaðan ástvin. Spáðu í það. Er hreinskilnin kannski aðalmunurinn á okkur?
Eg held ad thetta se ekkert ljot.Thetta er bara skyr afstada. A godum verndudum heimilum er thessum fotludu folki oft sinnt meira fagmannlega en ella.Audvitad hefur nævera ættingja mikid ad segja. Eyvindur vid sendum gamallmenni a stofnarnir.Oft farveikt folk stiad saman einsog saudfe. Blaut uppfyrir haus af eigin hlandi. Heimsækjum thad sidan svona rett fyrir jol til ad gefa thvi gotteri i gogginn, ekki osvipad thegar vid heimsækjum dyragardinn.
Þú veist sama og ekkert um mína einkahagi, Ágúst. Ég fluttist að heiman mjög ungur, og bjó með kærustunni minni í mörg ár, þar á meðal nokkur á meðan hún þurfti að kljást við mjög alvarleg veikindi. Ég geri mér grein fyrir því að þetta er ekki það sama og að sjá um fatlaðan einstakling, en kemst þó nærri því. Auk þess var þetta ekki barnið mitt, heldur unnusta mín, og við höfðum ekki verið saman ýkja lengi þegar þessi veikindi komu upp. Mér hefði verið mjög hægt um vik að fara og láta fjölskylduna hennar sjá um hana. Er það eigingirni að ákveða að takast á við þetta? Var ég að hugsa um sjálfan mig þegar ég bjó með manneskju sem var sárþjáð megnið úr deginum og var kaldari en ég hefði kosið á margan hátt? Ég var 19 ára þegar ég þurfti að fara að hugsa um hana nánast alla daga. Ef ég myndi eignast fatlað barn í dag myndi ég andskotinn hafi það hugsa um það líka. Að sjálfsögðu myndi ég nýta mér þau úrræði sem eru til, á borð við dagvistun og annað, en ég gæti ekki hugsað mér að hafa barnið mitt alfarið á stofnun. Það kæmi aldrei til greina, og mér finnst frekar ógeðfellt að fólki finnist það ekkert tiltökumál. Mér hefur líka alltaf fundist fólk fullfljótt á sér að senda aldraða ættingja sína á heimili. Ég vann á elliheimili fyrir nokkrum árum og þetta fór alltaf svolítið fyrir brjóstið á mér, því með því er fólki breytt í stofnanafæði þótt það sé það í raun ekki áður en það kemur á heimilið.
Fair enough.
red bottom shoes, michael kors outlet online, true religion, tiffany and co jewelry, nike air max, oakley sunglasses, ray ban outlet, tory burch outlet online, tiffany jewelry, michael kors outlet, louis vuitton, nike outlet, oakley vault, kate spade outlet online, prada handbags, nike free, longchamp outlet, ray ban sunglasses, nike air max, coach outlet store online, burberry outlet online, christian louboutin, coach outlet, christian louboutin shoes, christian louboutin outlet, louis vuitton handbags, michael kors outlet store, michael kors outlet online, polo ralph lauren, cheap oakley sunglasses, chanel handbags, coach purses, coach outlet, prada outlet, kate spade outlet, polo ralph lauren outlet, burberry outlet online, longchamp handbags, true religion outlet, louis vuitton outlet online, gucci handbags, jordan shoes, longchamp outlet online, michael kors handbags, louis vuitton outlet, michael kors outlet online, louis vuitton outlet
birkin bag, ferragamo shoes, ugg, reebok shoes, asics shoes, insanity workout, hollister, giuseppe zanotti, chi flat iron, soccer jerseys, herve leger, jimmy choo shoes, uggs outlet, new balance outlet, replica watches, lululemon outlet, nike huarache, north face jackets, ugg boots, p90x workout, longchamp, canada goose outlet, uggs on sale, abercrombie and fitch, beats headphones, wedding dresses, vans outlet, valentino shoes, mac cosmetics, canada goose outlet, canada goose, uggs outlet, celine handbags, soccer shoes, nike roshe, mcm handbags, marc jacobs outlet, bottega veneta, mont blanc pens, ugg outlet, canada goose outlet, nfl jerseys, ugg soldes, babyliss pro, ghd, nike trainers, north face outlet, ugg boots, instyler ionic styler
uggs canada, louis vuitton canada, wedding dress, moncler outlet, vans, toms outlet, moncler, oakley, moncler, coach outlet, lancel, moncler, supra shoes, hollister clothing, pandora uk, montre femme, ray ban, ralph lauren, canada goose, canada goose, pandora charms, pandora jewelry, juicy couture outlet, parajumpers outlet, baseball bats, iphone 6 case, thomas sabo uk, canada goose pas cher, hollister, juicy couture outlet, converse, ugg, converse shoes, replica watches, moncler, canada goose, air max, nike air max, gucci, links of london uk, moncler outlet, louboutin, swarovski jewelry, swarovski uk, moncler, timberland shoes, hollister canada, karen millen
Skrifa ummæli
<< Home