Það stefnir allt í flug til Friedrichshaven og lest þaðan til München, einhvern tíma í maí. Lífið er of gott, það er ekki sanngjarnt að ég siji að öllum þessum lífsins gæðum á meðan aðrir eru í tómu tjóni. Ég ræddi heillengi við sauðdrukkna og atvinnulausa konu á Hressó áðan (vona að enginn hafði misskilið neitt þegar hún umfaðmaði mig hvað eftir annað) sem einhvern tíma hafði líklega verið glæsileg, fyrirmyndareiginkona. Ég hvatti hana tíu sinnum til að fara í meðferð og byrja í AA, eflaust hafði það lítil áhrif.

Eftir einhvern tíma, kannski 2-3 mánuði, ef ég verð duglegur og heppinn, get ég sagt ykkur hvernig bókin mín er að þróast og hvernig München kemur þar við sögu.