Fyrrverandi sjálfstæðismenn
http://www.mbl.is/mm/frettir/kosningar/2009/04/17/floknara_ad_ganga_i_esb/
Flokkurinn sem ég kaus til góðs áratugum saman hefur fátt ef nokkuð gert fyrir þjóðarhag undanfarin misseri. Hann stóð sig ömurlega í síðustu ríkissjórn og hann hefur floppað rækilega í stjórnarandstöðu. Það er vitað að stór hluti Sjálfstæðismanna vill kanna aðild að Evrópusambandinu en flokkurinn hafði ekki dug í sér til að bregðast við þeirri þróun á landsfundi. Nú hafa Sjálfstæðismenn á þingi komið í veg fyrir breytingu á stjórnarskrá sem ætla mætti að þeir væru í raun hlynntir. Nú þegar þegar umsókn um aðild að Evrópusambandinu er orðin spurning um þjóðarheill leggja þeir stein í götu slíkra áforma.
Tugþúsundir fyrrverandi sjálfstæðismanna eru í sömu sporum og ég í dag. Fyrst segjumst við ætla að kjósa Vinstri græna vegna heilindanna. Á móti kemur að það er Samfylkingin sem hefur Evrópusambandsaðild á stefnuskránni.
36 Comments:
Hjartanlega sammála þér... ég kaus XD í síðustu kosningum og var á góðri leið með að kjósa VG núna. Þeir eru hins vegar aðeins of langt frá pólitískri sannfæringu minni. Þá kom til skoðunar að kjósa Borgarahreyfinguna, sem vill láta semja í Brussel og setja síðan samninginn í þjóðaratkvæði. Ég óttast hins vegar að atkvæðið mitt detti dautt niður ef ég kýs Borgarahreyfinguna... eftir stendur Samfylkingin.
Okkur líkar hún ekki en kjósum hana á endanum. Eða hvað?
Ágúst Borgþór
Tek undir með þér með þetta allt.
Þetta er samt ekkert nýtt.
Flokkurinn vinnur sífellt gegn hagsmunum almennings og tekur sér stöðu með sérhagsmunahópum (t.d. kvótagreifunum).
FLokkurinn er greinilega afar sjúkur og afeitrunin og meðferð þar á eftir mun taka langan tíma.
Óvíst er um bata.
Ég hef kosið þetta síðustu ár og skammast mín mikið fyrir að hafa kosið gegn eigin hagsmunum í raun og keypt áróðurinn.
Nú er þetta bara grímulaus árás á almenning og ég vona að X-D fái sem fæsta þingmenn og þyngstu mögulegu refsingu kjósenda.
Hér er enn eitt alvarlegt dæmi um árásir Sjálfstæðismanna á þjóðina.
http://blog.eyjan.is/mordur/
Þetta var mikið hagsmunamál og þurfti að ná að samþykkja fyrir kosningar.
Nei, sögðu X-D þingmenn og töluðu út í eitt og unnu sigur.
Málið var ekki afgreitt og Sjálfstæðismenn nauðguðu lýðræðinu enn einu sinni.
www.andriki.is
Þetta er kjaftæði. Flokkurinn notaði þá fjármuni sem hér voru til staðar fyrst og fremst til að efla menntakerfið og heilbrigðiskerfið auk þess að greiða niður skuldir. Lítill hluti var nýttur í skattalækkanir. Þetta sýna allar ALLAR opinberar tölur.
Hvaða flokka eruð þið að hugsa um að kjósa? Þeir sem vildu fara enn verr með fé-ið meðan það var til?
Í guðs bænum ekki láta þennan pirring valda því að við kjósum yfir okkur þá sturluðu vinstistjórn sem er í kortunum.
Hjartanlega sammála þér, er hægra megin við miðju en nú er ekki hægt að kjósa XD þeir láta sérhagsmuni (samanb. stjórnar skrár umræðuna og þjóðar auðlindir) ráða fremur en þjóðar hagsmuni!!! Ég vill absalútt skoða ESB samning og kýs því XS!!!!!!!
X-D
Búið að vera.
Næsta mál....
Ég er ansi hræddur um að það fari þannig - ekkert allt of hrifinn af því, en líklega er Samfylkingin þrautarlendingin.
Flokkur sem ber hausnum við steininn, Sjálfstæðisflokkurinn, hlýtur á endanum að mola höfuðið
Jóhannes:
Sjálfstæðisflokkurinn er gersamlega heillum horfinn og mætir mjög laskaður í kosningarnar. Hann hefur algerlega glatað hugmyndafræðilegri forystu í efnahagsmálum, sem var sá grundvöllur sem aflaði honum trausts og vinsælda. Sem dæmi snerist landsfundur flokksins algerlega á sveif með öfga-ESB andstæðingum sem vilja koma í veg fyrir umræðu um ESB aðild, en síðan hefur flokkurinn ekki einu sinni stefnu í efnahags- og peningamálum. Fyrst andstaðan við ESB og Evru var svona mikilvæg, hvernig ætlar flokkurinn að tryggja stöðugleika í gengi krónunnar, tryggja lága verðbólgu, lága vexti, afnám verðtryggingar, virk gjaldeyrisviðskipti krónuna gagnvart helstu gjaldmiðlum, osfr. Ekki stafur um þetta frá þeim! Og ofan í allt klúðruðu þeir varnarbaráttunni í ofurstyrkjamálinu og fá mjög lélega ásýnd vegna andstöðu við stjórnarskrárbreytingarnar. Bæði þessi mál var hægt að tækla miklu betur í fjölmiðlum.
ESB málið á líklega eftir að kljúfa Sjálfstæðisflokkinn og á meðan er Samfylkingin líklega skársti kosturinn.
Getur Samfylkingin fengið Vinstri græna til að samþykkja aðildarumsókn í vor?
Sammála.
Ég skammast mín fyrir að hafa nokkurn tímann kosið SjálfstæðisFLokkinn. Hann er fullkomlega rúinn trausti og hefur nú með stjórnarskrármálinu endanlega gengið frá sjálfum sér. Hreint og klárt harakírí. Hann gefur þjóðinni langt nef, staðfestir að hann veit ekkert hvað slær í hjörtum landsmanna, niðurlægir Alþingi í ofanálag.
Það er ekkert annað en glapræði að kjósa XD núna, bara má ekki gerast. Ef Sjálfstæðisflokkurinn á einhvern tímann að vakna í Evrópumálum, þá verður hann að fá skell núna, annars heldur hann ruglinu áfram.
Samfylkingin hefur verið of rög, að mínu mati, að flagga ESB-aðild. Hún hefði átt að sjá til þess að þetta yrði kosningamál númer eitt. Hún hefur reyndar fjölmiðlana gegn sér í því, þeir spila með þeim flokkum sem skila auðu í þessu stærsta máli samtímans.
ESB-aðild og upptaka evru er fyrsta skrefið í að bjarga íslensku þjóðinni frá gjaldþroti. Þessvegna er ekki spurning að atkvæði allra ESB-sinna hlýtur að fara til Samfylkingarinnar.
Tjónið sem hlýst af þessari valdnýðslu sjálfstæðismanna er mikið. Þessu fólki verður að refsa.
Jóhannes:
Ég hef kosið Sjálfstæðisflokkinn í nánast öllum kosningum frá því að ég fékk kosningarétt. Nú verður breyting. Þótt ég sé langt í frá ánægður með Samfylkinguna ætla ég að greiða henni atkvæði vegna afdráttarlausrar stefnu um að fara í aðildarviðræður við ESB og leggja þann samning sem næst í dóm þjóðarinnar. Þetta er einfaldlega lýðræðisleg afstaða í stærsta efnahags- og framfaramáli þessarar þjóðar.
Þú ert góður og heiðarlegur maður Ágúst. Ég skil vel að þú eigir erfitt með að ákveða þig. Ég held að allt hugsandi fólk eigi erfitt með að ákveða sig fyrir hverjar kosningar. Persónulega hef ég aldrei verði ákveðnari í því að kjósa Samfylkinguna. Sjá www.skodun.is
Góð spurning hjá þér, Ágúst Borgþór.
Minnir mig á auglýsingu, sem sjálfstæðismenn eru að dreifa um þessar mundir. Þar er mynd af Steingrími J. og svo er spurt stórum stöfum:
"Trúir því einhver að ríkisstjórn Samfylkingar og VG muni ekki sækja um aðild að Evrópusambandinu?"
Hvað á þetta að fyrirstilla...? Þetta er sem sagt sett fram sem grýla, að núverandi stjórnarflokkar muni sameiginlega sækja um aðild að ESB.
Sjálfstæðisflokkurinn gefur þar með endanlega ESB-sinnum langt nef. Hann velur að höfða eingöngu til andstæðinga ESB-aðildar. Ekki hélt ég að landsfundurinn hefði gengið svo langt gegn ESB...
Hárrétt hjá þér.
Ég hef verið flokksbundinn sjálfstæðismaður í aldarfjórðung og er nú í þeirri stöðu að flokkurinn neyðir mig til að velja á milli XS og XO. Báðir kostir slæmir en sú bjargfasta skoðun mín að við eigum að hefja aðildarviðræður við ESB strax kemur í veg fyrir að ég geti kosið minn gamla flokk. Gagnger tiltekt ( á mönnum og málefnum) verður að eiga sér stað hjá flokknum eigi hann aftur að eiga það skilið að hófsamir hægrimenn kjósi hann.
Eins og staðan er í dag er XD því miður ekki valkostur.
Jóhannes:
Það er einkennilegt að Sjálfstæðisflokkurinn skuli markaðssetja sig sem hinn "eina sannna flokk" gegn ESB aðild.
Ég er sammála nafnlausum hér að ofan, það vantar í dag hófsaman og skynsaman valkost á miðju til íhalds sem er fylgjandi að kanna til fulls kosti og galla ESB aðildar. Það væri leitt ef sá valkostur væri klofningur úr Sjálfstæðisflokknum, en miðað við núverandi afstöðu forystu flokksins er það raunhæfur valkostur fyrir þá fjölmörgu sjálfstæðismenn sem eru jákvætt fylgjandi því að skoða kosti aðildar að ESB og upptöku Evru.
Þarf ekki bara að stofna nýja hægri flokk. Sjálfstæðisflokkurinn er eini hófsami hægri flokkurinn í Evrópu sem er á móti ESB. Flokkurinn virðist misskilja hvað fullveldið þýðir í dag.
Það er ömurlegt að heyra Illuga tala um að Ísland missi yfirráð yfir auðlindum sínum með inngöngu í ESB.
Þarf ekki bara að stofna nýja hægri flokk. Sjálfstæðisflokkurinn er eini hófsami hægri flokkurinn í Evrópu sem er á móti ESB. Flokkurinn virðist misskilja hvað fullveldið þýðir í dag.
Það er ömurlegt að heyra Illuga tala um að Ísland missi yfirráð yfir auðlindum sínum með inngöngu í ESB.
Jóhannes:
Það er nokkuð ljóst að Samfylking og VG munu mynda næstu ríkisstjórn eftir kosningar. Ef VG gefur kost á viðræðum við ESB, eins og hann hefur gefið til kynna, er ljóst að Sjálfstæðisflokkurinn er algerlega einangraður í harðri andstöðu sinni gegn ESB.
Í pólitískri útlegð verður Sjálfstæðisflokkurinn einfaldlega að gera upp við fortíðina og stöðuna. Ef Styrmir Gunnarsson og félagar ráða ferð áfram mun flokkurinn missa varanlegt fylgi. Persónulega finnst mér ömurlegt að þurfa að kveðja góð grunngildi flokksins vegna yfirtöku ESB andstæðinga. Það eru nægilega margir öflugir aðilar innan flokksins sem eru sannfærðir um að samskipti við siðaðar þjóðir innan ESB sé betri framtíð en einangrun í EES samningnum sem enga þróun tekur. Ef þeir taka saman og kljúfa sig út mun ég kjósa þá. Slíkt framboð myndi einnig höggva verulega í Samfylkinguna, en líka skapa samstarfsmöguleika með þeim flokki.
Ég er sammála síðasta ræðumanni. Núna er opin gluggi fyrir hófsama hægrimenn að gera eitthvað í málunum.
NATO, EFTA og EES. Dæmi um velheppnað alþjóðasamstarf sem Sjálfstæðisflokkurinn tók þátt í að koma á.
Jóhannes:
Hver er skaðinn af þessu samstarfi við vinaþjóðir okkar? Enginn, og við höfum notið góðs af.
Við megum heldur ekki litast af afstöðu Breta og annarra vinaþjóða þegar við hótuðum að standa ekki við skuldbindingar íslensku bankanna, sem var að mörgu leyti forkastanlegt af okkar hálfu og mjög léleg samskiptatækni.
Eðlilegt framhald er þátttaka í ESB með aðild að ákvörðunum í þvi samstarfi. EES samstarfið verður ekki þróað lengra.
Það má með sterkum rökum snúa málinu við og halda fram að þar sem krónan sé ónýt sem framtíðargjaldmiðill Íslands, verði að taka up Evru og því fylgi ESB aðild. Hvað eru margir sem virkilega trúa því að íslenska krónan sé framtíðargjaldmiðill Íslands? Minnihluti í öllum könnunum, en menn tengja ekki að eini raunhæfi valkosturinn er aðild að ESB. Stöðugleiki krónunnar og tenging við Evru kæmi mjög fljótlega í ERM II samstarfinu ef aðild yrði samþykkt.
Einhver sagði mér að vegna smáa letursins í EES samningunum hefði verið hægt að opna banka út um allar trissur með þeim afleiðingum sem nú blasa við. Raunar er mér sama um smáa letrið í ESB samningnum svo framarlega sem hann opni mér leið burtu héðan.
Þetta er áhugaverð pæling hjá þér Ágúst. En Samfylkingin hefur sjálf ekki horfst í augu við sína ábyrgð á því sem gerðist í haust. Og meðal annars þessvega mjög erfitt að kjósa hana.
Það er hins vegar til millileikur í stöðunni.
Framsóknarflokkurinn er sammála Sjálfstæðisflokknum um að skattahækkarnir og lækkun launa ríkisstarfsmanna skili litlu. Á sama tíma hefur Framsóknaflokkurinn opnað á aðildarumsókn að Evrópusambandinu ef það er það sem menn vilja.
Framsóknarflokkurinn kaus sér formann sem enga ábyrgð ber á neinu því sem Framsóknarflokknum hefur helst verið fundið til foráttu.
Að auki virðist atkvæði greitt Samfylkingu vera atkvæði greitt VG, en það virðist vera það sem sumir vilja einmitt forðast.
a) Er það rangt hjá mér að VG hafi samþykkt viðræður um aðild að ESB, lýðræðisins vegna, og hafi sagt að þjóðin sjálf eigi að taka ákvörðun um aðild, þótt sjálfum finnist þeim aðild ekki fýsileg?
b) Er það rangt hjá mér að Samfylkingin ætli að ganga "óbundin til kosninga" - og geti þess vegna gengið til stjórnarsamstarfs við Sjálfstæðisflokkinn eftir kosningar? Öllum að óvörum eins og síðast. Hvers vegna eigum við að treysta þessu liði sem varla sagði múkk við svikum forystumanna sinna gagnvart kjósendum sínum og þjóðinni allri? HVERS VEGNA? Ekkert raunverulegt uppgjör flokksins hefur farið fram, Jóhanna segist "hjartanlega sammála" ISG - sem sjálfsagt bíður sjálf á hliðarlínunni eftir endurnýjuðu forystuhlutverki sínu meðal sauðanna. Guð minn góður! EKKI KJÓSA SAMFYLKINGUNA - SKILIÐ ÞÁ FREKAR AUÐU!
Jóhannes:
Nafnlaus, af hverju ekki kjósa Samfylkinguna ef maður hefur sannfæringu fyrir að ESB aðild og upptaka Evru sé til hagsbóta fyrir þjóðina. Þetta er eini flokkurinn sem hefur það á stefnuskrá!
Þetta er stærsta efnahagslega og félagslega mál stjórnmálanna næstu árin!
Ég tek fram að ég fagna ekki pc-farangri vinstri stjórna á borð við bull eins og "kynjaða hagstjórn", forsjárhyggju í kynferðismálum eða öfgabrandara á borð við nýju barnaverndarlögin en með þeim gætu börnin mín hægilega komið mér í ævilangt fangelsi - en myndu þó harma það mest allra.
En það eru bara þannig tímar að maður kærir sig kollóttan um slíkt. Það er hægt að berjast við slíka pólitík seinna þegar mesti voðinn er hjá.
Jóhannes;
Ágúst Borgþór
Sammála þér, en það er Sjálfstæðisflokkurinn sjálfur sem er að dæma sig til nokkurra ára útlegðar.
Mér finnst stórmerkilegt hvað ég heyri marga tala um að þeim lítist best á að kjósa Borgarahreyfinguna, en ætla samt að velja einhvern kost sem þeim líst síður á! 5% er enginn hellingur. Ef helmingur fylgisins sem fer frá Sjálfstæðisflokki fer til xO þá fljúga þeir inn með nokkra menn. Það er, að mér finnst, skylda okkar sem kjósenda að fylgja sannfæringu okkar. Mín sannfæring er að Borgarahreyfingin sé með skynsamlegustu stefnuna.
Rétt hjá síðasta ræðumanni, lýðræðið er ekki að virka ef allir hugsa eins og Ómar R. Valdimarsson. "óttast hins vegar að atkvæðið mitt deti dautt niður ef ég kýs Borgarahreyfinguna" ??? Hverslags hugsanagangur er þetta? Þú kýst hana auðvitað ef þér lýst best á þann kost. Ég ætla að kjósa Framsókn í ár, mér lýst vel á Sigmund Davíð og finnst þeir hafa hreinsað vel til. Mér lýst vel á þeirra stefnuskrá og þeir hafa rökstutt sínar efnahagstillögur vel og skilmerkilega. Mér er slétt sama hvernig þeir hafa hegðað sér í fortíðinni, við verðum að gera hana upp og horfa á núið og fókusa á framtíðina. Ég vil ekki vinstri stjórn, ég er opinn fyrir aðild að ESB (sækjum um og sjáum hvað kemur úr því) ég get ekki hugsað mér að kjósa sjálfstæðisflokkinn svo ég ætla að fylgja sannfæringu minni og kjósa XB.
Mér skilst að menn í bankageiranum vitni oftast í Ástþór þessa dagana. Þeir flissa víst og afsaka sig en vitna síðan blákalt í manninn .....
Ég lýsi eftir hugmyndum Sjálfstæðisflokksins um það hvernig þjóðin sem glataði öllu sínu í misheppnaðri efnahagsstjórunar tilraun á að komast aftur á lappirnar.
Ég hef ekki heyrt neitt nýtt og því síður bitastætt.
Eigum við að klöngrast áfram veginn með, úrelta stjóranarskrá, spillta stjórnsýslu, fleiri álver, ónýta krónu, mislukkað kvótakerfi, skuldumvafinn sjávarútveg og illa settan landbúnað.... og í ofanálag örkumluð af kreppu í boði Flokksins
Ég er alveg steinhissa á að X-D skuli enn mælast með yfir 20% fylgi.
þóra Guðmundsdóttir
jordan shoes, tory burch outlet online, louis vuitton outlet online, ray ban sunglasses, louis vuitton, louis vuitton handbags, christian louboutin shoes, cheap oakley sunglasses, true religion outlet, michael kors outlet online, oakley sunglasses, michael kors outlet online, burberry outlet online, ray ban outlet, tiffany jewelry, louis vuitton outlet, longchamp outlet, red bottom shoes, coach outlet, kate spade outlet online, kate spade outlet, longchamp handbags, michael kors handbags, michael kors outlet online, burberry outlet online, louis vuitton outlet, polo ralph lauren, michael kors outlet, gucci handbags, longchamp outlet online, nike outlet, true religion, coach outlet, nike air max, coach outlet store online, tiffany and co jewelry, chanel handbags, nike free, christian louboutin outlet, michael kors outlet store, polo ralph lauren outlet, nike air max, christian louboutin, coach purses, prada handbags, oakley vault, prada outlet
p90x workout, asics shoes, reebok shoes, canada goose outlet, instyler ionic styler, longchamp, north face jackets, uggs on sale, giuseppe zanotti, hollister, abercrombie and fitch, mont blanc pens, babyliss, lululemon outlet, marc jacobs outlet, north face jackets, canada goose outlet, mcm handbags, nike trainers, ugg outlet, ugg, ugg boots, nike roshe, replica watches, ghd, valentino shoes, uggs outlet, birkin bag, nfl jerseys, jimmy choo shoes, soccer shoes, ugg boots, canada goose, nike huarache, beats headphones, insanity workout, canada goose outlet, new balance outlet, ugg soldes, ferragamo shoes, uggs outlet, soccer jerseys, mac cosmetics, herve leger, celine handbags, wedding dresses, vans outlet, chi flat iron, bottega veneta
Skrifa ummæli
<< Home