sunnudagur, september 12, 2004

Föstudagskvöldið á Kormáki og Skildi, þeirri indælis eðalkrá, var hið líflegasta. Ég hitti fleiri kunningja úr hópi smárra skálda en ég átti von og þar að auki einn þekktan sem hefur sagt mér að nefni ég hann á nafn á þessari síðu muni hann aldrei tala við mig framar. Það er því ekki mjög fýsilegt að gera grein fyrir kvöldinu þegar eitt nafn af fimm vantar því við vorum allir í einum hóp. Þrátt fyrir ágætan félagsskap var þó bjórinn líklega eftirminnilegastur, en ég hef nú uppgötvað tegund sem er mér mjög að skapi: Dökkur Erdinger frá þýskalandi. Hann bragðast eins og Egils Malt með aðeins minni sykri og töluvert meira alkóhólmagni. Alveg lygilega bragðgóður andskoti. Ég drakk fjóra þetta kvöld og reykti alltof marga vindla.

Ég er búinn að skokka tvisvar um helgina og synda einu sinni. Því miður hef ég líka étið of mikið eins og vanalega. Áðan sá ég KR bjarga sér úr fallbaráttu og skjótast upp í 5. sæti með heimasigri á KA. Nú bíða menn bara eftir hreinsunum og nýrri blómatíð.

Ég hef á tilfinningunni að það verði mjög erfitt að fá bókina mína kynnta í haust. Tilraunir mínar til að taka þátt í þessari hálfgerðu forkynningu sem hefur verið að skjóta upp kollinum í blöðunum, hafa verið með öllu árangurslausar. Í hvert sinn sem ég sendi frá mér bók rekst ég á einhvern heilalausan vegg í fjölmiðlum þar sem bókmenntaleg gæði skipta engu máli. Þar ræður ríkjum fólk sem hefur líklega aldrei lesið staf eftir mig, telur sig þess umkomið að dæma hvað er bókmenntalega fréttnæmt, og hefur ákveðið að mín verk teljist ekki til þess án nokkurrar bókmenntalegrar ástæðu. Ég er algjörlega undir þetta búinn núna og læt það ekki á mig fá. Veit sem fyrr að ég held áfram að vaxa í áliti þeirra sem slysast til að lesa bókina.



4 Comments:

Blogger Ágúst Borgþór said...

Sæll/sæl. Mér finnst þetta ekki nastí heldur mjög góð ábending og ég var einmitt að hugsa um þetta í dag. Fyrir það fyrsta þá tel ég mig ekki vera einn besta rithöfund á Íslandi heldur einn besta smásagnahöfundinn. Smásagnadeildin er hins vegar hálfgerð utandeild. Almennt tel ég mig vera mjög frambærilegan rithöfund sem hafi sína sérstöðu og eigi skilið sinn sess, sem hann mun á endanum fá. - Skortur á sjálfsgagnrýni hefur ekki hamlað vandvirkni í vinnslu verka minna og ég býst við að útgefendur og yfirlesarar geti vitnað um það. Höfundur sem er lítið þekktur og hefur notið lítillar viðurkenningar þarf hins vegar ekki á nagandi efasemdum að halda heldur að trúa því að hann sé jafn góður og hann er þó að eitthvert lið á fjölmiðlum hafi ekki áhuga á að lesa hann. Ég kannast sérstaklega við þessar efasemdir hjá mjög viðurkenndum höfundum sem ég þekki og efinn er lúxus sem þeir geta veitt sér en ég þarf ekki á að halda núna.

Hvernig fannst þér svarið?

8:41 e.h., september 12, 2004  
Blogger Ágúst Borgþór said...

Sæll/sæl. Mér finnst þetta ekki nastí heldur mjög góð ábending og ég var einmitt að hugsa um þetta í dag. Fyrir það fyrsta þá tel ég mig ekki vera einn besta rithöfund á Íslandi heldur einn besta smásagnahöfundinn. Smásagnadeildin er hins vegar hálfgerð utandeild. Almennt tel ég mig vera mjög frambærilegan rithöfund sem hafi sína sérstöðu og eigi skilið sinn sess, sem hann mun á endanum fá. - Skortur á sjálfsgagnrýni hefur ekki hamlað vandvirkni í vinnslu verka minna og ég býst við að útgefendur og yfirlesarar geti vitnað um það. Höfundur sem er lítið þekktur og hefur notið lítillar viðurkenningar þarf hins vegar ekki á nagandi efasemdum að halda heldur að trúa því að hann sé jafn góður og hann er þó að eitthvert lið á fjölmiðlum hafi ekki áhuga á að lesa hann. Ég kannast sérstaklega við þessar efasemdir hjá mjög viðurkenndum höfundum sem ég þekki og efinn er lúxus sem þeir geta veitt sér en ég þarf ekki á að halda núna.

Hvernig fannst þér svarið?

8:41 e.h., september 12, 2004  
Blogger Ágúst Borgþór said...

Ég þakka gott innlegg Þorsteins. Við það er því að bæta að hvað sem líður efasemdum listamanna um verk sín þá gildir það um þá frambærilegu rithöfunda sem ég þekki til að þeir líta stórt á sig og þeir hafa óbilandi trú á sjálfum sér. Mitt sjálfstraut kemur fram með e.t.v. nokkrum naívískum hætti á þessari síðu, það er hluti af mínum karakter, og sumir hafa brugðist við því með þeim hætti að ætla mætti að ég væri eini listamaðurinn á Íslandi sem lítur stórt á sig. Þegar grannt er skoðað gæti ég trúað því að mitt sjálfstraust sé viðlíka mikið og flestra annarra listamanna sem einhver veigur er í.

8:02 e.h., september 13, 2004  
Blogger Unknown said...

air jordan pas cher
ray ban sunglasses
gucci outlet
louis vuitton outlet
oakley vault
pandora jewelry
true religion jeans
ray ban sunglasses
kate spade
longchamp outlet
insanity workout
coach factory outlet
christian louboutin outlet
michael kors handbags
michael kors outlet online
kobe 9
air jordan retro
ralph lauren
toms shoes
true religion
christian louboutin shoes
christian louboutin sale
burberry outlet
tory burch outlet
louis vuitton outlet
true religion outlet
vans shoes
michael kors outlet online
nike roshe flyknit
louis vuitton handbags
hollister clothing
polo ralph lauren
coach factory outlet
burberry outlet online
tiffany outlet
michael kors handbags
jordan 3
michael kors handbags
oakley sunglasses
louis vuitton outlet
20165.27wengdongdong

3:32 f.h., maí 27, 2016  

Skrifa ummæli

<< Home