Hættu nú að vanda þig drengur, þú hefur nógan tíma og þú ert ekki að skrifa smásögu. Er búinn með tæplega 10 blaðsíður af handritinu, afar varlega skrifaðar, plús eitthvert hliðarriss. Nú þarf ég einfaldlega að leyfa mér að skrifa það sem er í kollinum til þess að kynnast persónunum og átta mig á því hvernig þær eiga að vera. Spennitreyja smásögunnar er búin til úr vana, um leið og texti hættir að vera þéttur missi ég áhugann. En andrúmsloftið má koma seinna, þetta er ekki smásaga, láttu það flakka ... Og áfram.