Dóttir vinar míns var að bjóða Freyju í afmælið sitt sem haldið verður í almenningssundlaug. Það er ansi góð hugmynd þó mér skiljist hún sé ekki splunkuný. Eftir að við höfðum haldið upp á afmælið hennar Freyju síðast vorum við úrvinda af þreytu og ekki bætti úr skák að hún á afmæli í miðju jólaatinu. Gaman væri að brjóta þetta upp næst og óneitanlega hef ég augastað á Árbæjarlauginni. Ég ætla að fá nákvæma skýrslu hjá Freyju um leiki og veitingar þegar þetta er afstaðið.