Ég byrjaði á Túristanum hans Stefáns Mána áður en ég fór utan en tók bókina ekki með mér til Þýskalands. Ég hélt síðan áfram með hana í gærkvöld og er nú búinn með um þriðjung. Ég get auðvitað engan veginn dæmt um heildarbrag verksins en það sem af er finnst mér sagan vera drepfyndin, frumleg, mjög vel stíluð og óútreiknanleg. Í augnablikinu á ég því mjög erfitt með að skilja hauskúpur og almenna útskúfun hennar á jólamarkaðnum. Satt að segja hefur þannig verið talað um þessa bók að ég átti ekki von á góðu og allra síst þessari ágætu skemmtan.