þriðjudagur, maí 06, 2008

Af tvennu illu

Ég hjólaði niður Hverfisgötu undir dagslok. Stúlka um eða undir þrítugu kom fótgangandi úr gagnstæðri átt og nokkurn veginn í sama mund og við mættumst var opnaður gluggi beint fyrir ofan okkur og skvett úr vatnsglasi. Megnið af vatninu fór á gangstéttina en eitthvað lenti á stúlkunni sem þó tók ekki eftir því strax. Hún gekk áfram nokkur skref en nam síðar staðar og ég tjáði henni hvað hefði gerst. Hún gekk undir gluggann og kallaði hæðnislega: Takk kærlega fyrir!

Í mér vaknaði spurning sem kalla mætti siðferðilega:

Hvort er verra - að einhver hafi gert sér að leik að reyna að skvetta vatni úr glugganum á vegfaranda eða að íbúarnir skvetti í hugsunar- og skeytingarleysi vatni út um gluggann?

11 Comments:

Anonymous Nafnlaus said...

Ótrúlegur hugsuður.

Þetta er stórt siðfræði/heimspekilegt álitamál!

1:50 f.h., maí 06, 2008  
Blogger Ágúst Borgþór said...

Og þú hefur engin svör

2:07 f.h., maí 06, 2008  
Anonymous Nafnlaus said...

Af tvennu illu mundi ég segja að hið fyrrnefnda sé sýnu verra. Finnst það reyndar liggja í augum uppi, ekki síst í ljósi þess að þarna var aðeins um vatn að ræða. En það þyrfti svosem ekki til, illkvittni og/eða "eindreginn brotavilji" hlýtur alltaf að trompa hugsunarleysi á svarta listanum, hvort sem skvett er vatni eða brennisteinssýru.
Hinsvegar vekur þessi frásögn þín aðrar og ekki ósvipaðar spurningar, sem jafnvel mætti flokka undir siðfræði:
Maður verður vitni að því að vatni er skvett útum glugga. Mest fer á gangstéttina en nokkrir dropar lenda á stúlku sem kemur aðvífandi.
Þetta er ekki meira en svo að hún tekur ekki eftir því strax, en lítur svo niður, hissa, og spyr sig, hvaðan kom þetta vatn?
Maðurinn/vitnið hefur um tvo kosti að velja:
a) að láta sem ekkert sé, sem verður til þess að stúlkan hristir hausinn hissa og heldur ferð sinni áfram. Veltir því fyrir sér smástund hvaðan þetta vatn kom, án þess að verða nokkru nær, og rifjar þetta jafnvel upp yfir kvöldmatnum sem skemmtilega og skrítna uppákomu - þetta var jú bara vatn.
Á sama tíma verður sökudólgurinn fyrir vonbrigðum, hafi hann gert þetta viljandi. Hafi þetta hinsvegar verið hugsunarleysi eða óhapp, heldur hann áfram að gera hvað sem hann var nú að dunda sér við.
b) segja stúlkunni hvað gerðist, sem veldur því að að stúlkan verður pirruð, jafnvel reið, bakkar og eys úr skálum reiði sinnar yfir sökudólginn - hvers ástæður fyrir vatnsgusunni eru okkur algjörlega ókunnar.
Þetta veldur stúlkunni áframhaldandi pirringi og hún segir kærastanum/vinum sínum frá þessu í hneykslunartón.
Á sama tíma situr sökudólgurinn kátur á sínum stað, hafandi kallað fram þau viðbrögð sem hann vænti - svo fremi sem hann gerði þetta viljandi. Hafi hann hinsvegar gert þetta í ógáti eða af slysni, situr hann eftir pirraður og sár, yfir ókurteisi þessarar stúlkukindar.

Og þá er það spurningin, velur maður a) eða b)?

2:49 f.h., maí 06, 2008  
Blogger Ágúst Borgþór said...

Ég valdi augljóslega b án nokkurrar umhugsunar. En líklega myndi ég gera það aftur.

Af einhverjum ástæðum og án þess að geta fært rök fyrir því þá mislíkar mér skeytingarleysið meira, að leggja það í vana sinn að skvetta vatni út um gluggann hjá sér án þess að skeyta um hvort einhver verður fyrir því. Skelfilegur sljóleiki. Mér finnst skárra að vera hrekkjalómur en hugsunarlaus og skeytingarlaus.

3:02 f.h., maí 06, 2008  
Anonymous Nafnlaus said...

Hvort finnst þér þá skeytingarleysi verra ef það sé tilkomið vegna vana eða hugsunarleysis? Hvort finnst þér þá verra, morð af yfirlögðu ráði eða morð af gáleysi. Það er klárlega ekki valkostur að segja að "bæði sé verra" því annað felur í sér "hugsunarleysi" en hitt er klárlega komið til af "skeytingarleysi" gagnvart lífi og limum annarra. Þetta eru þó, "nokkuð" gildishlaðin hugtök eftir því hvernig horft er á þau, þannig að auðveldlega má véfengja þessa vangaveltur mínar.

3:12 f.h., maí 06, 2008  
Blogger Ágúst Borgþór said...

Ég held að þegar upp er staðið hafi þetta aldrei verið heimspekileg hugsun hjá mér. Mér finnst bara svo ofboðlega lágkúrulegt að skvetta vatni út um gluggann hjá sér, búi maður á Hverfisgötu, án þess að spá í hvort það lendir á vegfaranda. Eiginlega finnst mér örlítið meiri bragur á því að gera það viljandi.

3:27 f.h., maí 06, 2008  
Anonymous Nafnlaus said...

Var þetta örugglega vatn?

5:23 f.h., maí 06, 2008  
Blogger Hjörvar Pétursson said...

Augljóslega er síðari kosturinn mun verri og með víðtækari afleiðingar til hins verra.

Að skvetta vatni á saklausa vegfarendur getur verið góð skemmtun þeim sem ekki hafa þroskaðra skopskyn en svo. En það hlýtur þó að vera þreytandi til lengdar og þá sjálfhætt. Ef ástæðan er ekki skemmtun heldur illkvittni eða einhverslags furðuleg þráhyggja er vandamálið skrýtnara, en þó alltaf afmarkað við nokkrar jaðraðar sálir og því ekki þess vert að hugsa um í víðara samhengi.

En fólk er alltaf að gera hluti í hugsunarleysi. Nú síðast í morgun sá ég ökumann á Miklubrautinni fleygja sígarettu út um bílgluggann á rauðu ljósi. Mig langaði til að flauta á hann. Að hella úr vatnsglasi út um glugga án þess að hugsa um hver verður fyrir því er ekki nema stigsmun í burtu frá því. Slík hegðan er ekki aðeins alvarleg, heldur líka mjög algeng. Hafiði litið í kringum ykkur nýlega? Hvenær hentuð þið síðast umbúðum frá ykkur á götuna án þess að svipast um eftir ruslafötu.

Umhverfið er á okkar eigin ábyrgð. Ekki bara Kárahnjúkar og Þjórsárver, heldur líka Hverfisgatan og rauðu ljósin við Hringbraut. Þeir sem ekki gera sér grein fyrir því ættu að opna á sér augun og skammast sín.

12:37 e.h., maí 06, 2008  
Blogger oakleyses said...

jordan shoes, tory burch outlet online, louis vuitton outlet online, ray ban sunglasses, louis vuitton, louis vuitton handbags, christian louboutin shoes, cheap oakley sunglasses, true religion outlet, michael kors outlet online, oakley sunglasses, michael kors outlet online, burberry outlet online, ray ban outlet, tiffany jewelry, louis vuitton outlet, longchamp outlet, red bottom shoes, coach outlet, kate spade outlet online, kate spade outlet, longchamp handbags, michael kors handbags, michael kors outlet online, burberry outlet online, louis vuitton outlet, polo ralph lauren, michael kors outlet, gucci handbags, longchamp outlet online, nike outlet, true religion, coach outlet, nike air max, coach outlet store online, tiffany and co jewelry, chanel handbags, nike free, christian louboutin outlet, michael kors outlet store, polo ralph lauren outlet, nike air max, christian louboutin, coach purses, prada handbags, oakley vault, prada outlet

3:05 f.h., desember 01, 2014  
Blogger oakleyses said...

p90x workout, asics shoes, reebok shoes, canada goose outlet, instyler ionic styler, longchamp, north face jackets, uggs on sale, giuseppe zanotti, hollister, abercrombie and fitch, mont blanc pens, babyliss, lululemon outlet, marc jacobs outlet, north face jackets, canada goose outlet, mcm handbags, nike trainers, ugg outlet, ugg, ugg boots, nike roshe, replica watches, ghd, valentino shoes, uggs outlet, birkin bag, nfl jerseys, jimmy choo shoes, soccer shoes, ugg boots, canada goose, nike huarache, beats headphones, insanity workout, canada goose outlet, new balance outlet, ugg soldes, ferragamo shoes, uggs outlet, soccer jerseys, mac cosmetics, herve leger, celine handbags, wedding dresses, vans outlet, chi flat iron, bottega veneta

3:43 f.h., desember 01, 2014  
Blogger oakleyses said...

pandora charms, moncler, toms outlet, timberland shoes, ray ban, hollister clothing, swarovski uk, canada goose, montre femme, ralph lauren, converse shoes, ugg, moncler, supra shoes, pandora uk, hollister, links of london uk, swarovski jewelry, uggs canada, baseball bats, gucci, lancel, canada goose, pandora jewelry, wedding dress, juicy couture outlet, moncler, hollister canada, thomas sabo uk, canada goose, iphone 6 case, coach outlet, replica watches, oakley, canada goose pas cher, parajumpers outlet, louboutin, moncler, moncler outlet, air max, karen millen, converse, vans, moncler, moncler outlet, louis vuitton canada, juicy couture outlet, nike air max

3:54 f.h., desember 01, 2014  

Skrifa ummæli

<< Home