Alkasamfélagið

http://www.skrudda.is/default.asp?p=1&id=159

Ég sé að útgefendur mínir hjá Skruddu eru að fara að gefa út þessa alkabók eftir Orra Harðarson. Ég held að hún gæti vakið afar mikla athygli innan ákveðins hóps. Samkvæmt kynningu lýsir Orri m.a. vandræðum sínum við að halda sér edrú eftir 12-spora kerfinu. Hann fer í meðferð eftir meðferð en fellur aftur uns hann finnur sína eigin leið. Mér þykir þetta mjög fróðlegt og reyni eflaust að sníkja eintak af Skruddumönnum.

Ég sé að þeir eru líka að gefa út skáldsögu eftir franskan höfund sem Friðrik Rafnsson þýðir.
Ég komst að því um daginn að Guðmundur Óskarsson, sem gaf út örsagnasafnið Vaxandi nánd í fyrra, er með skáldsögu hjá Ormstungu í haust. Það er gott að fá gefið út þar enda katalógurinn eðalfínn í gegnum árin en prófíllinn lágur.

Annars veit ég ekki mikið um haustútgáfuna að þessu sinni en mun örugglega fylgjast vel með.