Hér kemur smá amerísk fjölskylduvæmni (dauðans?). Þetta hefur verið hryllingsvika í vinnunni því nú er ársskýrslutími dauðans. (Náði samt að skrifa einn flottan brauðtexta í morgun mitt í nördalestrinum og var ánæður með það). Af þessum sökum hef ég verið að heiman núna tvö kvöld í röð og líka á sunnudagskvöldið. Þegar ég síðan steig út í morgun til að halda puðinu (eða puði dauðans) áfram hafði dóttirin krítað með stórum bláum stöfum á gangstéttina: Pabbi er bestur (ÁBS). - Þannig er ást barnanna, maður fær hana ókeypis, að þessu sinni fyrir að vera ekki heima og vekja söknuð.