Mér var bent á stuttan ritdóm um Uppspuna eftir líklega Pál Baldvin Baldvinsson, í síðasta Helgar-DV. Hann bendir réttilega á að smásagan þarf að öðlast líf á ný í blöðum og tímaritum. Lesbókin þyrfti að vera duglegri í þessu og bæði Fréttablaðið og DV ættu að geta birt smásögur um helgar og þá auðvitað að passa sig að velja gott efni. Og reynið ekki að segja mér að fólk myndi ekki lesa þetta, það er nú ýmislegt sem ratar í blöðin og telst ekki líklegt til vinsælda.