föstudagur, október 29, 2004

Sem höfundur á markaðstorgi á ég líklega eftir að sakna þessara októberdaga því bókin mín rennur út í Máli og menningu og Eymundsson. Þarna eru vinir, kunningjar og jafnvel ættingjar að skila sér í búðina og svo líklega þeir fáu lesendur mínir sem ég þekki ekki sjálfur, en tilboðsverðið laðar að. Sjálfsagt að minna á það: 2.600 kr. í Eymundsson og Máli og menningu út næsta þriðjudag. Ég verð án nokkurs vafa á sölulistum á næstunni en svo hættir það væntanlega þegar nær dregur jólum og stórkanónurnar koma úr prenti. Hvað um það, aldrei hef ég komist á sölulista áður og ég geri mér vonir um að heildarsalan aukist a.m.k. eitthvað frá því sem verið hefur. Þetta ætlar að verða mitt besta ár sem rithöfundur í skilningi kynningarmála og því get ég ánægður einbeitt mér að skriftum þegar jólavertíðinni er lokið án þess að velta fyrir mér birtingu og útgáfu í langan tíma.

Ég kíkti í hið undarlega smásagnasafn Hermanns Stefánssonr, 9 þjófalyklar, áðan. Þetta virðist vera einn stór bókmenntalegur brandari og persónan Ólafur Jóhann Ólafsson rithöfundur kemur fyrir í öllum sögunum. Þetta er fyndið og lipurlega skrifað en spurning til hvaða hóps þetta getur höfðað. Og kannski gildir það einu.

Skopstælingarbragurinn á Hermanni er síðan búinn að smitast úr bókinni sjálfri og yfir í kynninguna á henni en á www.bjartur.is var í gær tilkynnt að Hermann hefði hlotið Bókmenntaverðlaun Guðbjarts Jónssonar og væri fyrsti karlmaðurinn sem þau hlyti.

4 Comments:

Anonymous Nafnlaus said...

Mér datt í hug um daginn þar sem ég labbaði laugaveginn að ég hafi hlustað á sjálfan mig hverfa út í heiminn og verða óþekkjanlegur. Ha? Híhíiííi´´ii´´iííií-ííí, gefurðu annars ekki ættingjunum eintak af bókinni bölllur, Eiríkur Örn gefur öllum sínu. Hvað finnst þér annars um Eirík Örn, hann er ungur og bráðefnilegur?

12:10 e.h., október 31, 2004  
Blogger Ágúst Borgþór said...

Æ, hvaða fábjáni er kominn inn á síðuna mína? Ekki koma aftur.

1:27 f.h., nóvember 01, 2004  
Anonymous Nafnlaus said...

Sjálfur geturðu verið fífl. Ég má koma hérna eins og ég vil, netið er almenningseign. Þú hefur safnað til þín kuski í afskekktu horni almenningsins og ég má alveg labba til þín og blása svolítið. Óg tungumálið er lmannaeign líka. Ég má tala það ´mamámámámaámámámáþað þar sem ég vil.Alltaf alltaf.

1:31 e.h., nóvember 01, 2004  
Blogger Ágúst Borgþór said...

Sæl, Auður. Jú, bókin er á tilboði á morgun. Ég hlakka líka til að sjá þig á útgáfukynningunni á miðvikudagskvöldið. Ég sendi þér meil um það á Rithringnum á morgun.

4:25 e.h., nóvember 01, 2004  

Skrifa ummæli

<< Home