mánudagur, mars 27, 2006

Ég ætla á Zappa plays Zappa þann 9. júni. Miðasala hefst um mánaðamótin. Mágur minn fer með mér og Freyja vill líka gjarnan fara með. Ég er búinn að vara hana nokkrum sinnum við að mjög löng gítarsóló séu í uppsiglingu sem hún vill samt fara, þekkir mörg af lögum kallsins og hefur gaman af þeim.

41 Comments:

Anonymous Nafnlaus said...

Gústi, lastu Draumalandið?

1:16 f.h., mars 27, 2006  
Anonymous Nafnlaus said...

Draumalandið? Það er ekki nóg að greina vandann ef maður getur svo ekki fundið lausnina. Eins og Melvin Udall orðar það í As good as it gets: "I´m drowning and you´re descriping the water."

10:18 f.h., mars 27, 2006  
Anonymous Nafnlaus said...

en eiga þetta ekki að vera tómar lausnir? (Það væri þá: þú ert að virkja vatnið)

11:13 f.h., mars 27, 2006  
Anonymous Nafnlaus said...

Það er rétt, það er ekki nóg að lýsa vatninu þegar einhver er að drukkna, maður verður að fordæma vatnið, eða amk leggja það undir einhvers konar siðferðislegt mat.

12:57 e.h., mars 27, 2006  
Anonymous Nafnlaus said...

Loksins loksins
http://www.visir.is/apps/pbcs.dll/article?AID=/20060328/LIFID01/103280006/1120

12:56 e.h., mars 28, 2006  
Anonymous Nafnlaus said...

Góða skemmtun á tónleikunum Ágúst.

Ágúst langaði aðeins til að taka þig í grunnkennslu um hugsjón Sjálfstæðisflokkinn. Þetta á reyndar við um það sem þú settir inn26 og 20.03. En set það hér. Eitt lítið dæmi.
Áður en ég tek þetta dæmi, vil ég taka það fram að ég óska þér þess ekki.
Segjum t.d. að þú myndir lenda í hræðilegu slysi, yrðir örkumla. Eins og þú veist þá vill Sjálfstæðisflokkurinn einkavæða og einkavæða. Það væri hægt að láta þig fá bata. Fyrsta ferlið væri að þú yrðir settur inn á sjúkrahús, íhaldið vill láta sjúklinga greiða fyrir spítalakostnað það er einungis spurning um hvenær það verður. Framsókn hefur hingað til bremsað þá af. En sá flokkur er með svo lítið fylgi að kannski mun hann hverfa af sjónarsviðinu. Það myndi kosta þig og aðra formúgu að leggjast inn á spítala. Sjúklingar myndu sjálfsagt fá örlitla aðstoð en sá ríki myndi vera láta ganga fyrir því hann getur borgað. Á meðan hrakar þér. Síðan taka við endurhæfingar og það eru en margar stofnanir í eigu ríkisins OKKAR sem þjálfa sjúklinga og það kostar ekkert ennþá. Þú varst að skrifa hér um offitusjúklinga og að þeim skuli ekki vera hjálpað eins og þeim sem eiga við áfengisvandamál að stríða. Ég er sammála þér að það þarf að hjálpa offitusjúklingum líka. EN hverjir eru það sem aðstoða Alkahóllista? Það er sjálfseignarstofnun sem almenningur styður og ríkið líka til að halda t.d. Vogi gangandi.
Ef þú lest þetta til enda þá munt þú kannski svara? En þá á fólk að kaupa sér tryggingar, en fólk hefur oft ekki hugsun á því eða hefur hreinlega ekki efni á því. Spáðu aðeins í þetta. Og vonandi þið sem lesið.

2:32 e.h., mars 28, 2006  
Blogger Ágúst Borgþór said...

Ég vil ekki vera með hroka en ég fæ ekki séð að þetta sé grunnkennsla í hugsjón Sjálfstæðisflokksins. Það er ekki stefna Sjálfstæðisflokksins að sjúklingar borgi læknisþjónustu að fullu. Ef svo væri þá væri sú stefna líklega komin til framkvæmda enda flokkurinn búinn að vera við völd í 15 ár. Hins vegar hafa margir Sjálfstæðismenn og að ég hélt einhverjir Samfylkingarmenn allt þar til fyrir stuttu, þá skoðun að það sé ekki vitlaus hugmynd að fólk geti borgað sig fram fyrir í biðröðum eftir aðgerðum, enda fæ ég ekki séð annað en að slíkt kæmi sér vel fyrir alla aðila. - Umræða mín um nýja nálgun á offituvandann er algjörlega óháð allri umræðu um hver á að fjármagna slíka meðferð. Feitt fólk sækir sér ýmsa þjónustu, sem ýmist er greidd úr eigin vasa eða ríkisstyrkt. Ég hef í sjálfu sér ekki í bili áhuga á því að ræða hver á að borga þann brúsa, heldur það að offitusjúklingum verði í ríkara mæli boðið upp á þjónustu sambærilega við þá sem alkóhólistar fá. Allt önnur umræða er hver eigi að borga þá þjónustu en ég teldi ekki vitlaust að offitusjúklingarnarir gerðu það sjálfir, enda er offita (eða réttara sagt matarfíkn) sjúkdómur sem síður rænir fólk aleigunni en alkóhólismi.

3:51 e.h., mars 28, 2006  
Anonymous Nafnlaus said...

Bíddu við, Ágúst...

„enda fæ ég ekki séð annað en að slíkt kæmi sér vel fyrir alla aðila.“

Sérðu ekki hvernig þetta kemur sér illa fyrir þá sem ekki hafa efni á því að borga? Ertu semsagt í fullri alvöru þeirrar skoðunar að það fólk sem er ekki jafn heppið og þú að vera vel stætt og hafa efni á því að borga meira en aðrir eigi skilið að deyja því það komist ekki í þær aðgerðir sem það þarf á tilsettum tíma, því hinir efnaðari borgi sig fram fyrir það? Ég hef alltaf reynt að bera virðingu fyrir þínum skoðunum, þótt ég sé oft ósammála, og ef þú ert þessarar skoðunar er það þitt mál, en ef þú sérð í fullri alvöru ekki að þetta komi sér illa fyrir ákveðna samfélagshópa ertu að blekkja sjálfan þig allsvakalega (því ég veit að þú ert ekki svona vitlaus - þú veist þetta alveg). Sjálfur er ég fylgjandi kapítalisma á mjög mörgum sviðum, en þegar kemur að heilbrigðiskerfinu finnst mér gjörsamlega út í hött að fólk fái misjafna þjónustu eftir stærð bankareikninga.

4:19 e.h., mars 28, 2006  
Blogger Ágúst Borgþór said...

Djöfulsins tilfinningasemi og móðursýki er alltaf í þessu vinstra liði. Það sem þetta hefur í för með sér fyrir þá efnaminni er það að biðraðirnar styttast og þeir komast fyrr í aðgerð en ella. Það eru nú allar afleiðingarnar.

4:21 e.h., mars 28, 2006  
Blogger Ágúst Borgþór said...

Svo er líka óskapleg einföldun að skipta þessu upp í hina efnameiri og hina efnaminni - þannig að ég lendi í fyrra hópnum en 5% þjóðarinnar eða hvað það er, lendir í hinum hópnum. Ég er einfaldlega í mjög stórum hópi meðaljóna sem geta, þegar á reynir, gert upp við sig hvort þeir ætla í utanlandsferð þetta árið eða fjármagna aðgerð á sér. Flestir geta leyft sér eitthvað, þó að allir geti það ekki.

4:27 e.h., mars 28, 2006  
Anonymous Nafnlaus said...

Ég tók létt dæmi. Ég er sammála Eyvindi.

Ég held að Ágúst gæti ekki greitt fyrir spítalavist í einn sólahring, hvað þá fyrir endurhæfingu. Tek aftur sama dæmið breytt. Tek aftur fram að ég óska að þetta komi ekki fyrir þig. Segjum sem svo að þú Ágúst og fjölskyldan mynduð lenda í hræðilegu slysi. Einhverjir myndu fá mænuskaða sem gæti leitt til þess að einn eða tveir gætu ekki gengið. Kannski væri hægt að koma í veg fyrir lömun ef strax væri gripið til læknisaðstoðar. Þið yrðuð lögð inn en svo kæmi læknirinn og segði: Því miður Ágúst minn nú verð ég að senda ykkur heim. En ég og konan mín getum ekki gengið. Þið fáið hjólastól og við hjálpum ykkur út af spítalanum, þú hlýtur að þekkja einhvern sem getur hjálpað ykkur. En ég hef ekkert fengið að borða í nokkra daga, get ég ekki fengið svona góðann mat eins og sjúklingurinn við hliðina á mér er að borða og hann er mun minna slasaður en ég? Nei, nú eru örorkubæturnar svo litlar og svo skuldar þú okkur stóra summu fyrir vistina hér, verður að selja allt sem þú átt og verður mörg ár að borga okkur. En ég hef góðar fréttir. Ágúst brosir og bíður. Ég get gefið þér vatnsglas það kostar ekkert ennþá.

5:03 e.h., mars 28, 2006  
Blogger Ágúst Borgþór said...

Það er orðið nánast ósmekklegt hvernig þú æ ofan í treður upp á mig þessum hörmungardæmum þó að þau séu í engu samræmi við málflutning minn eða stefnu nokkurs stjórnmálaflokks hér á landi. Þetta fer að verða þreytandi.

5:06 e.h., mars 28, 2006  
Anonymous Nafnlaus said...

I Danmörku hefur þetta verið við líði samhliða ríkisrekna heilbrigðisgeiranum og gengið þokkalega.Afhverju ekki bjóða uppá þessa þjónustu a Islandi?

7:27 e.h., mars 28, 2006  
Anonymous Nafnlaus said...

Finnst við ekki geta miðað okkur við Danmörku í þessu. Þar búa yfir 6. miljónir eða fleiri. Þeir hafa miklu meira bótakerfi heldur en við höfum hér. Við erum svo fá. Hugsaðu bara um stéttaskiptinguna sem yrði í þessu fámenna þjóðfélagi. Hérna er þó komið jafn fram við alla á spítölunum allir fá sömu þjónustu, sama matinn og fleira, hvort sem þú ert séra Jón eða bara Jón. (Vildi ekki segja séra Ágúst eða bara Ágúst, þá myndi hann eyða þessari færslu). Fyrst ég nefndi bótakerfið þá hefur Pétur Blöndal (hann á tugi milljóna) þá skoðun að afnema styrki og bótakerfi. Getið þið bara í hvaða flokki sá maður er. Ég mun aldrei skilja hvernig er hægt að vera Sjálfstæðismaður. Tek fram að ég er ekki öryrki né fátæklingur. Ég hef þannig hugsunarhátt að þeir sem eigi erfitt, verði veitt aðstoð. Svo að fólk þurfi ekki að flýja land og setjast að annarstaðar. Hvers vegna skyldi Sjálfstæðisflokkurinn vera kallaður íhaldið?

9:15 e.h., mars 28, 2006  
Anonymous Nafnlaus said...

Eg skil ekki svona röksemdarfærslu. Stéttarskipting,maturinn,Pétur Blöndal........Sjálfu sér geta menn leita sér hjálpar erlendis en sjálfsögðu eigum við að bjóða uppá svona þjónustu.

9:54 e.h., mars 28, 2006  
Blogger Ágúst Borgþór said...

Ég ítreka að minn málflutningur snerist um það að sú hugmyndi væri a.m.k. athugunarvirði að menn gætu keypt sig fram fyrir í aðgerðabiðröðum, m.a. til að létta á biðröðununm, ekki að fólk þyrfti almennt að greiða fyrir heilbrigðisþjónustu. Á meðan enginn vill hlusta á nýjar lausnir heldur kerfið áfram að bólgna út og kostnaður að aukast. Þessu svara menn hér með einhverju svona sífri: Ég vona að þú verðir aldrei öryrki, Ágúst minn ...

1:38 f.h., mars 29, 2006  
Anonymous Nafnlaus said...

Í fyrsta lagi tek ég fram að ég er ekki vinstri maður. Ég er þvert á móti mjög kapítalískur og frjálslyndur í mínum skoðunum á flestum sviðum, þótt ég sé reyndar ákaflega ósammála sjálfstæðisflokknum í mjög mörgu (en ég er ósammála öllum íslenskum stjórnmálaflokkum í mjög mörgu). Hins vegar skil ég ekki hvernig biðröð getur styst fyrir mann sem verður fyrir því að aðrir efnaðari borgi sig fram fyrir hann. Ef það eru 12 manns fyrir framan hann og einhver honum ríkari borgar sig fram fyrir hann eru enn 12 manns fyrir framan hann. Þú veist hvernig þetta virkar, Ágúst, þú hefur staðið í biðröð. Og mér finnst hreinlega fáránleg hugmynd að fólk þurfi að bíða mislengi eftir lífsnauðsynlegum aðgerðum eftir því hversu mikið það hefur á milli handanna.

12:17 e.h., mars 29, 2006  
Anonymous Nafnlaus said...

Þetta er alveg rétt hjá þér Eyvindur. Þessi hugmynd er ekki bara óréttlát heldur arfavitlaus í ofanálag - hefur sem sagt alla burði til að verða að veruleika.

1:34 e.h., mars 29, 2006  
Blogger Ágúst Borgþór said...

Það er alveg ljóst að einhverjir aðrir en þeir sem ætla að borga græða á þessu, biðröðin styttist ef allt borgunarfólkið kemst í aðgerð. Auðvitað er borgunarmaðurinn fyrir framan einhverja - þeirra tími styttist þá.

1:37 e.h., mars 29, 2006  
Anonymous Nafnlaus said...

Borgunarmenn? Er ekki nóg að vera skattgreiðandi?

1:59 e.h., mars 29, 2006  
Blogger Ágúst Borgþór said...

Oh, það er svo pirrandi að reyna að rökræða við flest fólk. Nú langar mig mest að loka fyrir kommentin aftur.

2:10 e.h., mars 29, 2006  
Anonymous Nafnlaus said...

Skák og mát.

2:36 e.h., mars 29, 2006  
Anonymous Nafnlaus said...

Margir hafa forgang ídag tildæmis íþróttarfólk og í Danmörku notar íþróttarfólk einkaspítalanna. Auðvitað hlýtur það létta álagið á ríkissjúkrahúsunum og íþróttarfélögin borga síðan þann kostnað via tryggingar.Bara spurning um tíma hvernær svona þjónusta verður fyrir hinn almenna borgara a Islandi.

2:53 e.h., mars 29, 2006  
Anonymous Nafnlaus said...

Ágúst, biðröðin styttist ekkert meira þótt einhver fyrir framan mann borgi sig fram fyrir röðina. Hann kemur bara í staðinn fyrir þann sem var fremst - sem er væntanlega búinn að bíða lengst. Þetta breytir engu fyrir þá sem eru fyrir aftan „borgunarmanninn,“ en hefur neikvæð áhrif á þá sem eru fyrir framan. Þannig að sá eini sem græðir á þessu er sá ríki. Þetta er nokkuð augljóst. Ef þú stendur í biðröð eftir afgreiðslu í búð, og maðurinn fyrir framan þig svindlar sér framar í röðina þá færð þú ekkert afgreiðslu fyrr. Bara hann.

Og ekki loka kommentunum. Þetta eru alvöru rökræður, ekki skítkast. Hér er fólk að færa rök fyrir máli sínu, hér er lítið um ad hominem ummæli, og fólk er ekki að ráðast á þína persónu, bara þínar skoðanir (þó tek ég fram að ég ber enn virðingu fyrir þínum skoðunum - ég er bara ósammála).

2:57 e.h., mars 29, 2006  
Blogger Ágúst Borgþór said...

EF TÍU ERU FYRIR FRAMAN ÞIG OG EINN BORGAR SIG INN ÞÁ STYTTIST AUÐVITAÐ BIÐTÍMINN!!!!!!!!!!!!!! ÉG TALA NÚ EKKI UM EF HELMINGURINN AF ÞEIM BORGAR SIG INN. ÞÚ BORGAR ÞIG EKKI INN Á KOSTNAÐ NEINS, HELDUR KEMUR TIL FJÁRMAGN SEM FJÖLGAR OG FLÝTIR AÐGERÐUM! - Now don´t insult more your or mine intellegence.

2:59 e.h., mars 29, 2006  
Anonymous Nafnlaus said...

Kannski þörf á empiriskri greiningu á þessu vandamáli til að sannfæra fólk að röðin minnkar ef fólk borgar sjálft.

3:11 e.h., mars 29, 2006  
Blogger Ágúst Borgþór said...

Þú köttar á röðina ef þú borgar þig inn, biðtími þinn gufar upp - en ekki á kostnað annarra.

3:13 e.h., mars 29, 2006  
Anonymous Nafnlaus said...

Þessir peningar eru til staðar. Það er bara verið að nota þá í alls konar vitleysu.

3:16 e.h., mars 29, 2006  
Anonymous Nafnlaus said...

En Ágúst, þá ertu ekki að borga þig fram fyrir röð, heldur út úr röð og inn annars staðar. Það er allt annað.

Og ekki æsa þig, við erum bara að ræða málin.

4:51 e.h., mars 29, 2006  
Blogger Ágúst Borgþór said...

Ók, þá snýst hugmyndin um það að borga sig út úr röð.

4:52 e.h., mars 29, 2006  
Anonymous Nafnlaus said...

Það á enginn að þurfa að bíða í röð!

4:57 e.h., mars 29, 2006  
Blogger Ágúst Borgþór said...

Ég þoli ekki svona komment. Ég þoli betur persónulegar árásir. Mig langar að setja á mig hnúajárnin þegar ég sé svona.

4:59 e.h., mars 29, 2006  
Anonymous Nafnlaus said...

Það er nú grínið. Slakaðu á. Ég skal hætta þessu.

5:04 e.h., mars 29, 2006  
Blogger Ágúst Borgþór said...

Fyrst þetta er grín þá er þetta nú nokkuð gott, ég var alveg orðinn brjálaður.

5:05 e.h., mars 29, 2006  
Anonymous Nafnlaus said...

Eyvindi tókst loksins að koma þér í skilning um þetta. Hann hefur og allir sem hafa lagt orð í belg hafa verið kurteisir.En hafa fengið hörð og dónaleg spörk frá þér. Það er falleg hugsun að enginn óskar þess að þú verðir öryrki Ágúst. Enginn veit hvað gerist og flestir hugsa: Það kemur ekkert fyrir mig. Vona að þú takir þessu ekki illa. Það er reyndar engin ástæða til þess.

5:36 e.h., mars 29, 2006  
Blogger Ágúst Borgþór said...

Ert þú líka að grínast til að æsa mig upp? Það var Eyvindur sem loksins skildi um hvað málið snýst. - EKKERT Í MÍNUM MÁLFLUTNINGI BENDIR TIL ÞESS AÐ ÉG HUGSI: EKKERT KEMUR FYRIR MIG. ÆTLIÐ ÞIÐ AÐ DRULLAST TIL AÐ FARA AÐ SKILJA ÞAÐ? GRÍNISTAR EÐA HÁLFVITA?

5:40 e.h., mars 29, 2006  
Anonymous Nafnlaus said...

Alltaf leiðinlegt þegar menn grípa til ofbeldis eða hótun um ofbeldi þegar þeim líkar ekki málflutningur annarra.

6:23 e.h., mars 29, 2006  
Anonymous Nafnlaus said...

Vildi benda þér á að það vantar R í þetta orð: HÁLFVITA

6:48 e.h., mars 29, 2006  
Anonymous Nafnlaus said...

Stopp nú börnin góð. Þetta er orðið gott. Takk fyrir skemmtilegt spjall Ágúst Borgþór og Eyvindur.

7:00 e.h., mars 29, 2006  
Blogger oakleyses said...

jordan shoes, tory burch outlet online, louis vuitton outlet online, ray ban sunglasses, louis vuitton, louis vuitton handbags, christian louboutin shoes, cheap oakley sunglasses, true religion outlet, michael kors outlet online, oakley sunglasses, michael kors outlet online, burberry outlet online, ray ban outlet, tiffany jewelry, louis vuitton outlet, longchamp outlet, red bottom shoes, coach outlet, kate spade outlet online, kate spade outlet, longchamp handbags, michael kors handbags, michael kors outlet online, burberry outlet online, louis vuitton outlet, polo ralph lauren, michael kors outlet, gucci handbags, longchamp outlet online, nike outlet, true religion, coach outlet, nike air max, coach outlet store online, tiffany and co jewelry, chanel handbags, nike free, christian louboutin outlet, michael kors outlet store, polo ralph lauren outlet, nike air max, christian louboutin, coach purses, prada handbags, oakley vault, prada outlet

1:30 f.h., desember 01, 2014  
Blogger oakleyses said...

p90x workout, asics shoes, reebok shoes, canada goose outlet, instyler ionic styler, longchamp, north face jackets, uggs on sale, giuseppe zanotti, hollister, abercrombie and fitch, mont blanc pens, babyliss, lululemon outlet, marc jacobs outlet, north face jackets, canada goose outlet, mcm handbags, nike trainers, ugg outlet, ugg, ugg boots, nike roshe, replica watches, ghd, valentino shoes, uggs outlet, birkin bag, nfl jerseys, jimmy choo shoes, soccer shoes, ugg boots, canada goose, nike huarache, beats headphones, insanity workout, canada goose outlet, new balance outlet, ugg soldes, ferragamo shoes, uggs outlet, soccer jerseys, mac cosmetics, herve leger, celine handbags, wedding dresses, vans outlet, chi flat iron, bottega veneta

1:54 f.h., desember 01, 2014  

Skrifa ummæli

<< Home