miðvikudagur, mars 25, 2009

Unglegir menn

Krakkarnir sem eru með mér í þýsku halda flestir að ég sé yngri en ég er. Þeim bregður a.m.k. óþægilega í brún þegar ég segi þeim minn rétta aldur. Reyndar er óvíst að þeim finnist ég unglegur heldur að frekar snúist þetta um að þau trúi því varla að svona gamall maður sé að þvælast í grunnnámi í þýsku.

Reyndar græði ég smávegis á aukakílóunum. Um miðjan aldur er oft betra að vera dálítið feitur því fitan deyfir hrukkur. Þetta gildir hins vegar alls ekki um akfeita menn. Þéttvaxnir menn eru að jafnaði nokkuð unglegir á meðan þeir halda hárinu á höfðinu og halda sjálfum sér í fötunum.

Á þessu eru samt sláandi undantekningar og hér er komin ástæðan fyrir þessari færslu: Þorgrímur Þráinsson var að stíga inn á Kaffitár. Hann er fimmtugur en gæti verið 43 ára. Hann er tágrannur og súper-fitt. Ekki fituarða. Hrukkurnar fá þá að "njóta" sín en kvikur og spengilegur skrokkurinn ber unglegan fatnað og laðar fram strákslegt fas.

Jafningi eða hugsanlega betrungur Þorgríms í þessum efnum er Roger Daltrey. Hann var járnabindingamaður áður en hann Who var stofnuð og hefur ávallt síðan búið að upphandleggsvöðvunum. Daltrey er tágrannur og vöðvastæltur og er ævintýralega unglegur þrátt fyrir að hrukkurnar leyni sér ekki. Daltrey er orðinn 64 eða 65 ára en gæti verið rúmlega fimmtugur.

Svo er það Hörður Torfa. Hann er á pari við Daltrey í þessum efnum.

Hvað er ég að blaðra þetta eins og einhver hringlandi ljóska?

Læt það samt flakka.

26 Comments:

Anonymous Nafnlaus said...

Þessir menn blikna í samanburði við Keith Richards. Hann gæti verið 130 ára en er ÆÐI.

4:52 e.h., mars 25, 2009  
Blogger Ágúst Borgþór said...

Já, það eru margar hliðar á þessum málum.

4:58 e.h., mars 25, 2009  
Anonymous Andrés said...

Nú ertu kominn í gamla góða gírinn.

5:23 e.h., mars 25, 2009  
Anonymous Nafnlaus said...

Skemmtileg tilbreyting að sjá að karmenn velta líka fyrir sér útliti, unglegu eður ei, hvers annars.

5:45 e.h., mars 25, 2009  
Anonymous Nafnlaus said...

http://www.youtube.com/watch?v=5ZfNrqrvAwQ

6:14 e.h., mars 25, 2009  
Blogger Rosa said...

Keith Richards hmmmm: older than time itself?
En þú Ágúst, ert unglegri live heldur en á eyju-myndinni.

9:33 e.h., mars 25, 2009  
Blogger Ágúst Borgþór said...

Já, þetta eru bara skrípamyndir og hafa lítið með eiginlegt útlit að gera, þó það nú væri. Ég virka holdskarpur og nefstór, 53 ára, á myndinni. En ég er mjúkur og heldur breiðleitur og með lítið nef.

Og ég er bæði búinn að hleypa hommanum og ljóskunni í mér út.

10:39 e.h., mars 25, 2009  
Blogger Gg said...

Var þetta svona sem þú upplifðir mig á Íslensku? Gg

1:00 e.h., mars 26, 2009  
Blogger Hildur Lilliendahl said...

Ágúst! Þetta er yndisleg færsla. Ég geðshrærist af hrifningu. Hahaha.

11:14 f.h., mars 27, 2009  
Blogger Ágúst Borgþór said...

Hvernig, GG? Eins og Daltrey eða Þorgrím Þráins? Eða Hörð Torfa?

Takk fyrir kveðjuna, Hildur.

11:54 f.h., mars 27, 2009  
Anonymous Eyvindur Karlsson said...

Ef maður vill vera laus við hrukkur er eflaust fínt að fitna jafnt og þétt með aldrinum og slétta úr þeim jafnóðum. Virkar fyrir Örn Árnason.

Annars hef ég aldrei skilið hvers vegna fólk er hrætt við hrukkur. Þær fylgja aldrinum, og ég lít sjálfur á öldrun sem jákvæðan hlut. Fólk vitkast og batnar með aldrinum, alla jafna. Þessi æskudýrkun í okkar menningarheimi er heimskuleg. Án þess að alhæfa of mikið má halda því fram að eldra fólk sé oftast veraldarvanara og gáfaðara en yngra fólk. Þá á ég við yfir það heila. Auðvitað hlýtur prósentan af hálfvitum að vera svipuð í öllum aldurshópum, en eðli málsins samkvæmt hlýtur eldra fólk að hafa viðað að sér meiri fróðleik og lífsleikni en við sem yngri erum, ekki satt? Það þýðir ekki endilega að eldra fólk sé sjálfkrafa betra, en það er hins vegar fáránlegt að halda því fram að æskan sé framar ellinni.

Mér finnast hrukkur og grá hár virðingarverð tákn lífsreynslu. Sjálfur öfunda ég félaga minn, sem er litlu eldri en ég og farinn að fá fyrstu gráu hárin. Er ekki kominn tími til að fólk hætti að líta á ellimerki í neikvæðu ljósi? Í öllum öðrum menningarheimum en þeim vestræna er eldra fólk í hávegum haft. Stundum væri rétt að velta fyrir sér hvort grasið geti í einhverjum tilfellum verið grænna hinum megin við lækinn.

1:58 e.h., mars 27, 2009  
Blogger Ágúst Borgþór said...

Voðalega auðvelt fyrir einhvern blautan bak við eyrun að segjast ekki vera hræddur við hrukkur. Þú getur ekkert dæmt um aldursótta þinn núna. Sjáðu til þegar þú verður 46 ára. Þá veistu að fyrir 20 árum varstu ungur, þ.e. 26 ára. Og þér finnst þú vera ungur ennþá. En þú veist líka að eftir þennan sama tíma, 20 ár, ertu beinlínis gamall, að þá ertu að verða alvöru gamalmenni. Og þú veist líka af leynslunni að 20 ár eru ekki mjög lengi að líða.

Varðandi fitu og unglegt útlit þá er Örn Árnason aðeins of feitur til að hann græði á þessu þegar upp er staðið. Maður sér fyrst að hann er feitur, síðan sér maður kannski að fitan yngir hann í framan. Menn þurfa að vera nógu lítið feitir til að geta klætt af sér spikið til að njóta fitunnar í unglegra útliti.

2:40 e.h., mars 27, 2009  
Blogger TAP said...

Yndisleg færsla Ágúst hlaðin gullkornum.

3:04 e.h., mars 27, 2009  
Blogger Hjörvar Pétursson said...

Þegar mannkynið hefur gjöreytt sjálfu sér í tortímingarstríði mun ekkert verða eftir til að ráfa um sviðna jörðina nema kakkalakkar og Keith Richards.

6:11 e.h., mars 27, 2009  
Anonymous Eyvindur Karlsson said...

Vel má vera að ég verði skíthræddur við hverja hrukku seinna meir. Í dag fagna ég nýjum línum í kringum augun. Ég hef alltaf litið út fyrir að vera töluvert eldri en ég er og kann því vel.

En megininntakinu í athugasemdinni minni var samt beint gegn þessari gegndarlausu æskudýrkun í menningunni, sem fer í taugarnar á mér.

11:54 e.h., mars 27, 2009  
Blogger Ágúst Borgþór said...

Gott mál, Eyvindur.

2:13 e.h., mars 28, 2009  
Anonymous Nafnlaus said...

Eyvindur er með þetta. Hrukkur hvað? Hefurðu séð hvað bótox gerir fólki? Besides .... Hégómi er algjört turnoff !!!!

3:16 f.h., mars 30, 2009  
Blogger Alma said...

Flosi Ólafsson - það fyrsta sem þér dettur í hug er grallari - og grallara tengir maður yfirleitt við æskuna - og eitthvað frameftir.....
En hrukkulaust gamalmenni - með steindauð augu - horror!
Svo Ágúst Borgþór - það er glampinn í augunum!

4:40 f.h., apríl 01, 2009  
Anonymous Heiða said...

Krúttlegasta færsla sem ég hef oltið um síðan fyrir hrun :)

Ætla að hætta að fá móral yfir kaloríufylleríum... búttaðar (búttaðri even) er hrukkuvænar!

7:26 f.h., apríl 01, 2009  
Anonymous Orkubloggari said...

Brilljant færsla.

10:51 f.h., apríl 01, 2009  
Anonymous Nafnlaus said...

hvað ertu annars gamall? ég gæti alveg skotið á svona 48. Er það ekki nokkrum árum yngri en þú ert?

11:03 f.h., apríl 01, 2009  
Blogger Ágúst Borgþór said...

Ég er 46. Við hvað miðarðu? Teiknimyndina eða ÁBS in real life?

12:55 e.h., apríl 01, 2009  
Blogger oakleyses said...

jordan shoes, tory burch outlet online, louis vuitton outlet online, ray ban sunglasses, louis vuitton, louis vuitton handbags, christian louboutin shoes, cheap oakley sunglasses, true religion outlet, michael kors outlet online, oakley sunglasses, michael kors outlet online, burberry outlet online, ray ban outlet, tiffany jewelry, louis vuitton outlet, longchamp outlet, red bottom shoes, coach outlet, kate spade outlet online, kate spade outlet, longchamp handbags, michael kors handbags, michael kors outlet online, burberry outlet online, louis vuitton outlet, polo ralph lauren, michael kors outlet, gucci handbags, longchamp outlet online, nike outlet, true religion, coach outlet, nike air max, coach outlet store online, tiffany and co jewelry, chanel handbags, nike free, christian louboutin outlet, michael kors outlet store, polo ralph lauren outlet, nike air max, christian louboutin, coach purses, prada handbags, oakley vault, prada outlet

4:12 f.h., desember 01, 2014  
Blogger oakleyses said...

true religion outlet, nike roshe run, michael kors uk, chaussure louboutin, north face pas cher, lululemon, nike air max, michael kors canada, new balance pas cher, nike free, nike air force, nike blazer pas cher, hollister, true religion jeans, lacoste pas cher, sac louis vuitton, abercrombie and fitch, guess pas cher, ray ban uk, timberland, hermes pas cher, air max pas cher, nike roshe, ralph lauren, oakley pas cher, mulberry, burberry pas cher, vans pas cher, longchamp pas cher, sac michael kors, barbour, ray ban pas cher, air jordan, nike air max, converse pas cher, longchamp, scarpe hogan, north face, louis vuitton, air max, louis vuitton uk, tn pas cher, ralph lauren pas cher, nike free pas cher, louis vuitton pas cher, hollister, sac vanessa bruno

4:15 f.h., desember 01, 2014  
Blogger oakleyses said...

p90x workout, asics shoes, reebok shoes, canada goose outlet, instyler ionic styler, longchamp, north face jackets, uggs on sale, giuseppe zanotti, hollister, abercrombie and fitch, mont blanc pens, babyliss, lululemon outlet, marc jacobs outlet, north face jackets, canada goose outlet, mcm handbags, nike trainers, ugg outlet, ugg, ugg boots, nike roshe, replica watches, ghd, valentino shoes, uggs outlet, birkin bag, nfl jerseys, jimmy choo shoes, soccer shoes, ugg boots, canada goose, nike huarache, beats headphones, insanity workout, canada goose outlet, new balance outlet, ugg soldes, ferragamo shoes, uggs outlet, soccer jerseys, mac cosmetics, herve leger, celine handbags, wedding dresses, vans outlet, chi flat iron, bottega veneta

4:18 f.h., desember 01, 2014  
Blogger oakleyses said...

pandora charms, moncler, toms outlet, timberland shoes, ray ban, hollister clothing, swarovski uk, canada goose, montre femme, ralph lauren, converse shoes, ugg, moncler, supra shoes, pandora uk, hollister, links of london uk, swarovski jewelry, uggs canada, baseball bats, gucci, lancel, canada goose, pandora jewelry, wedding dress, juicy couture outlet, moncler, hollister canada, thomas sabo uk, canada goose, iphone 6 case, coach outlet, replica watches, oakley, canada goose pas cher, parajumpers outlet, louboutin, moncler, moncler outlet, air max, karen millen, converse, vans, moncler, moncler outlet, louis vuitton canada, juicy couture outlet, nike air max

4:23 f.h., desember 01, 2014  

Skrifa ummæli

Links to this post:

Búa til tengil

<< Home