Fátæktin hefur skyndilega og óvænt brotist inn í líf okkar. Ég var að fá meil frá Erlu sem myndi hljóma svona á ensku: No more lunches at Hressó. Orðrétt segir Erla: "Mér finnst að þetta líferni þarfnist endurskoðunar. Hægt að gera margt skemmtilegra fyrir peninga heldur en að éta fyrir þá , sérstaklega þegar maður á takmarkað af þeim. " Kom í ljós að hún á aðeins 50 þús. kr. eftir á reikningnum sínum þegar reikningar hafa verið borgaðir og ég á eitthvað minna sjálfur. Húsnæðislán og Krítarferðin eru farin að bíta okkur í hælana en áður höfðum við gengið nærri okkur með kaupunum á bílnum í vor. Mér brá og lofaði því að borða ekki fleiri hádegisverði á veitingahúsum út mánuðinn. Þannig að ég er kominn í enn eitt bindindið. Ég má að vísu fá mér salat í 10-11 og síðan er það mötuneytið og nesti. Annars er alltaf gaman að breyta um venjur og aldrei að vita nema að þessi breyting hafa einhvern innblástur í för með sér.