þriðjudagur, janúar 13, 2009

Enginn akkur í því að losna við Björn

Því er víða og stöðugt mótmælt að enginn hafi sagt af sér í kjölfar bankahrunsins, ekki ráðherrar, ekki Seðlabankastjórar og ekki forstjóri Fjármálaeftirlitsins.

Fyrirhugaðar breytingar á ríkisstjórn hafa ekkert með bankahrunið að gera.
Þannig er um líklega útskiptingu Björns Bjarnasonar. Hann stendur sig mjög vel á margvíslegan hátt og það væri verra að missa hann úr ríkisstjórn. Óvinsældir hans meðal almennings (sem kunna að vera ýktar) stafa af áralangri fjölmiðlaumfjöllun, þessum sömu straumum og lágu með útrásaraðlinum, nýríku og málvilltu óreiðumönnunum, straumnum sem ekki var hægt að synda gegn án þess að vera úthrópaður eða marklaus, fjölmiðlakúltúr sem er ein af ástæðum hrunsins.

Björn hættir (ef hann hættir) væntanlega af eigin vilja og vonandi gegnir hann einhverju mikilvægu hlutverki í kerfinu eftir það.

Það er sami fjölmiðlakúltúr sem afneitar því að minnihluti Sjálfstæðisflokksins hafi komið í veg fyrir REI-hneykslið og reynir að eigna það þeim sem gerðu ekki betur en að sitja hjá.

Reynum að eigna mönnum bæði klúðrið þeirra og góðu verkin. Rétt skal vera rétt.

23 Comments:

Anonymous Nafnlaus said...

Nei, nú missti ég aftur alla trú á þér, Ágúst. Maður sem virðist gegna mikilvægu hlutverki og vera mikilvægur maður, og hafa víðtæka þekkingu á einhverjum andskotanum, er ekki endilega mikilvægur maður. Víðtæk þekking er ekki heldur allt, - það er hvernig þú höndlar hana. Hann höndlaði hana því miður einsog þriggja ára krakki handleikur hlaðna skammbyssu. Og þó aldrei af sama fjöri og þriggja ára krakki, heldur alltaf eins og hann væri andlega á inniskónum: aldrei óvæntur, aldrei merkilegur, enda heili hans í raun búinn til úr líkþornum. Nei, ég ætla ekki að vera leiðinlegur, en svona er þetta. Hefurðu aldrei lesið bloggið hans? hlustað á manninn tala, fylgst með embættisverkum hans o.s.frv.? Eða ertu kannski hræddur um að hann endi í einhverjum valdamiklum bókmenntanefndum í framtíðinni?

eggi

8:59 e.h., janúar 13, 2009  
Blogger Ágúst Borgþór said...

Það er eins og þú sért að lýsa slakri frammistöðu listamanns, götuleikara eða uppistandara. Það á ekki við.

9:06 e.h., janúar 13, 2009  
Anonymous Óli Gneisti said...

Það er enginn ráðherra sem ég myndi frekar vilja losna við.

9:08 e.h., janúar 13, 2009  
Anonymous Nafnlaus said...

hvað hefur Björn gert illa og hvað vel? Getur þú talið það upp fyrir mig.

Steinar

9:25 e.h., janúar 13, 2009  
Blogger Ágúst Borgþór said...

Helsta skrautfjöðrin á ferli Björns verður stöðugt og afdráttarlaust samband hans við almenning. Hann er frumkvöðull í netvæðingu og svarar öllu og öllum alltaf og nánast um hæl. Gerir þar engan mannamun, sendir blaðamönnum svör við spurningum í tölvupósti og svarar hvaða hvunndagshetju sem er á vefsvæði sínu.

Hann virðist aðhaldssamur ráðherra en um leið stefnufastur og meðvitaður um hvað þarf að gera. Mikið af meintum valdsmannstilburðum hans og hálffasískum pælingum eru ekkert annað en bloggmoldviðri og æsifréttamennska, álíka trúverðugt og umfjöllun frá 2004-2007 um að útrásarvíkingarnir okkar væru að leggja undir sig heiminn, enda ættað frá sömu aðilum.

Hann hefur ráðið gott fólk til starfa á borð við Stefán Eiríksson en ég skal viðurkenna að ágæti sumra annarra embættismanna í réttarkerfinu er umdeilt. Þó réð hann til sín ágætan aðstoðarmann í fyrra, annálað ljúfmenni sem heitir Þórir Hrafnsson.

Það sem gefur Birni sérstöðu meðal íslenskra stjórnmálamanna er stöðug þátttaka hans í þjóðfélagsumræðu, ekki bara í blogginu heldur með ítarlega grundvölluðum greinaskrifum. Það sama einkennir raunar líka Jón Baldvin Hannibalsson en þó meira eftir að hann lét af embætti.

9:45 e.h., janúar 13, 2009  
Anonymous Nafnlaus said...

Nokkur glæsileg dæmi um Björn karlinn í engri sértakri röð:

* Lögregluaðdáun Björns og herfíkn - http://www.dv.is/frettir/2008/11/11/brynvagn-loggunnar-tilbuinn-i-oeirdirnar/

* Björn skálmar um vit sitt og losar Suðurnesjamenn við Jóhann Benediktsson http://www.visir.is/article/20080925/FRETTIR0602/222959615

* Björn dýrkar útlendinga af mikilli ástríðu
http://www.mbl.is/mm/frettir/innlent/2008/07/03/motmaeli_skipulogd_fyrir_utan_domsmalaraduneytid/

* Björn Bjarnason dómsmálaráðherra skipaði Ólaf Börk, sem áður var dómsstjóri í Héraðsdómi Suðurlands. http://www.visir.is/article/20071221/FRETTIR01/71221066

* Ragnar Aðalsteinsson lögmaður fær ekki aðgang að skjölum um símahleranir sem faðir Björns Bjarnasonar dómsmálaráðherra lét lögregluna gera á símum Ragnars og annarra vinstrimanna.

* Björn síns tíma - http://timarit.is/view_page_init.jsp?pageId=3722598

* Björn ræður Þorstein Davíðsson lögfræðing sem aðstoðarmann sinn, júní 2003

* Björn að prófa athyglisgáfu fjölmiðla með því að breyta heimasíðunni. http://www.bb.is/Pages/26?NewsID=41322

* Ekki gleyma ráðningu Björns Bjarna á mágkonu Davíðs Oddssonar í starf framkvæmdastjóra Rúv, hljóðvarps. Sú ráðning lenti á borði umboðsmanns alþingis: http://www.umbodsmaduralthingis.is/skyrslur/skoda.asp?Lykill=586&Skoda=Mal

* Aðdáun hans á Ann Coulter...

æ, það er svo margs að sakna þegar þessi furðufugl fer.

eggi

11:20 e.h., janúar 13, 2009  
Anonymous Nafnlaus said...

mér finnst nú upptalning Egga betri en upptalning Ágústs.

12:51 f.h., janúar 14, 2009  
Blogger Ágúst Borgþór said...

Ég gleymdi því að Björn stóð sig mjög vel í Ramses-málinu. Það eru allir búnir að gleyma því en allir myndu muna eftir því ef hann hefði vísað Ramses úr landi. Björn sameinaði mannúð og kerfismennsku, fann kerfisleið til að tryggja veru Ramses hér áfram. - Sumt af því sem eggi nefnir kann að vera rétt, annað orkar tvímælis sem gagnrýni, mér finnst t.d. að ráðherrar eigi fullan rétt á að ráða þá aðstoðarmenn sem þeir helst kjósa. En ég hef ekki meiri tíma.

12:56 f.h., janúar 14, 2009  
Blogger Ágúst Borgþór said...

Eitt í viðbót. Eggi segir í fyrsta kommenti: "Nú missi ég allt álit á þér aftur ..." Þetta er mjög dæmigert fyrir íslenska umræðuhefð. Menn hafa ekki álit á mönnum ef þeir eru þeim ekki sammála. Þess vegna geldur fólk fyrir skoðanir sínar í sífellu. Til dæmis í listum. Það gildir bæði til hægri og vinstri. Það er t.d. engin tilviljun að Sigurður A. Magnússon kemst ekki á heiðurslaunalista. - Það er á hinn bóginn líka ekki tilviljun að hægri sinnaðir listamenn geta átt mjög erfitt uppdráttar hvað snertir úthlutanir úr sjóðum. Menn með rangar skoðanir koma að lokuðum dyrum ef þeirra gætir fólk með réttu skoðanirnar.

1:01 f.h., janúar 14, 2009  
Anonymous Nafnlaus said...

Þetta síðasta hjá þér held ég að sé rétt, því miður, en ég er persónulega á móti pólitík í styrkúthlutunum, hvort sem er til vinstri eða hægri.

En þegar ég segi: nú missti ég aftur alla trú á þér, er ekki þar með sagt að ég myndi ekki veita þér styrk ef ég hefði með það að gera. Þ.e.a.s. ef við lítum til þín sem hægrihöfundar. Þú hefur skrifað margar raunsannar smásögur sem hafa tekið asklok frá himni, og ert sannarlega vanmetinn sem smásagnahöfundur. Þetta er ekki sagt í hæðni, heldur meina ég þetta.

En ég missi oft trú á pólitískri sýn þinni, en stundum bráir af þér og þú sérð ljósið. Og þá er ég auðvitað að meta þig út frá mínum skoðunum, eins og allir gera sem setja fingur á lyklaborð.

eggi

1:30 f.h., janúar 14, 2009  
Blogger Ágúst Borgþór said...

Pólitíska sýnin er raunar í endurmati hjá mér eins og mörgum.

Eins og hlýtur að hafa gerst hjá mörgum vinstri manninum um 1990 eða fyrr.

1:56 f.h., janúar 14, 2009  
Anonymous Nafnlaus said...

Þessi tengill komst ekki til skila í heild sinni. Menn verða að bæta þessu við tengilinn sem endar á mo:

* tmaeli_skipulogd_fyrir_utan_domsmalaraduneytid/

eggi

2:08 f.h., janúar 14, 2009  
Anonymous Eyvindur Karlsson said...

Einu má bæta við. Það hefur verið skorið niður hjá efnahagsbrotadeild - sem er mögulega mikilvægasta deild lögreglunnar í dag, og ætti frekar að stórefla. Á sama tíma fær sérsveit lögreglunnar aukið fjármagn. Sem segir okkur bara eitt: Í stað þess að ráðast gegn fólkinu sem kom landinu okkar í gjaldþrot ætlar Björn að berja skrílinn. Bara þetta eitt og sér, burtséð frá öllu góðu og slæmu sem hann hefur gert (og mér finnst hið slæma nú vega þyngra en hið góða, persónulega, þótt mér detti ekki í hug að tortryggja feril hans í heild sinni), gerir hann að hættulegum manni í mínum augum. Honum er meira umhugað um að berja niður mótmæli en að gera þau óþörf.

4:28 f.h., janúar 14, 2009  
Anonymous Nafnlaus said...

Eigum við að rifja upp dómararáðningar björns bjarnasonar? T.d. þegar hann réð Jón Steinar og lét ráða Þorstein Davíðsson?
Það er rétt hjá þér Ágúst að þessi mál fengu töluverða fjölmiðlaumfjöllun (sem er að mínu mati fullkomlega eðlilegt), en björn bjarnason hefur líka sloppið mjög vel í fjölmiðlum með önnur hneyksli. T.d. bara núna í haust þegar kom í ljós að fangelsismálstofnun hafði hvatt ungan mann sem sat inni fyrir sveðjuárás til náms í efnafræði og veitti svo sama manni reynslulausn til að hann gæti sett á fót "efnaverksmiðju" í Hafnarfirði, eina þá glæsilegustu í Evrópu. Ekki fékk það mál mikla fjölmiðlaumfjöllun.

Jens Gíslason

9:38 f.h., janúar 14, 2009  
Anonymous Nafnlaus said...

"Ég gleymdi því að Björn stóð sig mjög vel í Ramses-málinu. Það eru allir búnir að gleyma því en allir myndu muna eftir því ef hann hefði vísað Ramses úr landi."

Bíddu nú aðeins hægur, er ekki rétt að fara rétt með staðreyndir þegar menn eru mærðir?

Ramses málið snérist einmitt um það að honum var vísað úr landi. Í byrjun júlí ákváðu stjórnvöld að vísa honum úr landi ÁN þess að taka umsókn hans um pólitískt hæli fyrir. Það var nestor þinn, Björn, sem á endanum stóð að baki því - sem dómsmálaráðherra horfði hann aðgerðarlaus upp á að manninum var vísað úr landi frá nýfæddu barni sínu.

Ramses dvaldi á Ítalíu í flóttamannabúðum. Þrýstingur almennings hér heima varð til þess að stjórnvöld sáu að sér og hleyptu honum aftur inn í landið.

Þetta dæmi þitt er því dæmi um fullkomið skilningsleysi, hreinar og klárar lygar, eða gleymsku á háu stigi.

11:29 f.h., janúar 14, 2009  
Anonymous Héðinn Björnsson said...

Ég hef ekki tekið þátt í þeirri heift sem margir á vinstrivængnum hafa haft gegn Birni Bjarnasyni en það verður að horfast í augu við að hann ber ábyrgð þegar kemur að eftirlitsbrestinum sem varð í kjölfar einkavæðingu bankanna. Hans forgangsröðun á fjármunum til löggæsluverkefna hafa verið öll á þá leið að forgangsraða uppgjöri við smáglæpamenn og vörnum gegn hryðjuverkum en skera við nögl þegar kemur að efnahagsbrotadeildinni. Þetta hefur ekki reynst vera farsæl öryggisgæsla fyrir íslenska þjóð og sást það klárlega í Baugsmálinu sem klúðraðist algerlega. Þar spilaði líka inn í einn af vanda Björns sem stjórnmálamanns sem er alger skortur á hæfileikanum til að leita eftir samvinnu við aðra til að koma áfram sameiginlegum hagsmunum. Björn gerði enga tilraun til að vinna með stjórnarandstöðunni þegar kom að uppgjörinu við Baug og því varð auðvelt fyrir Baug að gera að því skóna að um persónulega óvild gegn Jóni Ásgeri væri að ræða.

Ekki er hægt að kenna gæslumönnum um glæpinn en framferði Björns og forgangsröðun í starfi hafa ekki verið til þess fallin að verja almenning gegn ásælni glæpamanna þeirra sem hann ásamt fleirum fengu bankana til að sýsla með og er það mælistikan sem allir núverandi stjórnmálamenn munu verða dæmdir eftir.

12:15 e.h., janúar 14, 2009  
Anonymous Nafnlaus said...

Sæll Ágúst, hvernig færðu það út að minnihluti sjálfstæðismanna hafi komið í veg fyrir REI klúðrið?

Er ekki málið þar að Guðlaugur Þór Þórðarson, sem var formaður stjórnar OR (minnir að hann hafi verið form. stjórnar, einhv. leiðréttir mig ef það er rangt) hafi komið REI á laggirnar m.a. í þeim tilgangi að koma einkafjármagni inn í OR, og svo átti að tala upp virði fyrirbærisins og nota það útbelgt til að bjarga FL Group. Og þetta sáu VG í gegnum, reyndar ekki Svandís sem kom fram á opinberum vettvangi um þau mál fyrir VG, heldur einhv. athugull varaborgarfulltrúi þeirra.

Ég get nú ekki betur séð en að íhaldið hafi reynt að stela umtalsverðum verðmætum af reykvíkingum á þennan hátt, og þá fremstur í flokki Guðlaugur Þór. BIngi dandalaðist eitthvað með en kanski fékk S hópurinn ekki nógu mikið í sinn hlut og framsóknarbatteríið fór í brennisteinsfýlu.
Eygló Aradóttir

6:40 e.h., janúar 16, 2009  
Blogger Ágúst Borgþór said...

Ég ver ekki framgöngu Guðlaugs né Vilhjálms Þ. í þessu máli en það er ótrúlegt að fjölmiðlum skuli hefa tekist að afbaka þær staðreyndir í huga almennings að það voru borgarfulltrúar Sjáfstæðismanna, Hanna Birna, Gísli Marteinn og co. sem stöðvuðu þennan gjörning, enda sprakk meirihlutinn í kjölfarð. Það er fáránleg lygi að eigna fulltrúum þáverandi minnihluta þetta, enda sátu þeir hjá framan af.

6:43 e.h., janúar 16, 2009  
Anonymous Nafnlaus said...

Var nú ekki búið að stinga við fótum í stjórn OR áður?, það var á þeim vettvangi sem VG fór að grína nánar í, og þar komu fulltrúar xD ekki að málum nema í þá átt að samþykkja.
Eygló Aradóttir

8:49 e.h., janúar 16, 2009  
Blogger oakleyses said...

jordan shoes, tory burch outlet online, louis vuitton outlet online, ray ban sunglasses, louis vuitton, louis vuitton handbags, christian louboutin shoes, cheap oakley sunglasses, true religion outlet, michael kors outlet online, oakley sunglasses, michael kors outlet online, burberry outlet online, ray ban outlet, tiffany jewelry, louis vuitton outlet, longchamp outlet, red bottom shoes, coach outlet, kate spade outlet online, kate spade outlet, longchamp handbags, michael kors handbags, michael kors outlet online, burberry outlet online, louis vuitton outlet, polo ralph lauren, michael kors outlet, gucci handbags, longchamp outlet online, nike outlet, true religion, coach outlet, nike air max, coach outlet store online, tiffany and co jewelry, chanel handbags, nike free, christian louboutin outlet, michael kors outlet store, polo ralph lauren outlet, nike air max, christian louboutin, coach purses, prada handbags, oakley vault, prada outlet

4:07 f.h., desember 01, 2014  
Blogger oakleyses said...

true religion outlet, nike roshe run, michael kors uk, chaussure louboutin, north face pas cher, lululemon, nike air max, michael kors canada, new balance pas cher, nike free, nike air force, nike blazer pas cher, hollister, true religion jeans, lacoste pas cher, sac louis vuitton, abercrombie and fitch, guess pas cher, ray ban uk, timberland, hermes pas cher, air max pas cher, nike roshe, ralph lauren, oakley pas cher, mulberry, burberry pas cher, vans pas cher, longchamp pas cher, sac michael kors, barbour, ray ban pas cher, air jordan, nike air max, converse pas cher, longchamp, scarpe hogan, north face, louis vuitton, air max, louis vuitton uk, tn pas cher, ralph lauren pas cher, nike free pas cher, louis vuitton pas cher, hollister, sac vanessa bruno

4:13 f.h., desember 01, 2014  
Blogger oakleyses said...

p90x workout, asics shoes, reebok shoes, canada goose outlet, instyler ionic styler, longchamp, north face jackets, uggs on sale, giuseppe zanotti, hollister, abercrombie and fitch, mont blanc pens, babyliss, lululemon outlet, marc jacobs outlet, north face jackets, canada goose outlet, mcm handbags, nike trainers, ugg outlet, ugg, ugg boots, nike roshe, replica watches, ghd, valentino shoes, uggs outlet, birkin bag, nfl jerseys, jimmy choo shoes, soccer shoes, ugg boots, canada goose, nike huarache, beats headphones, insanity workout, canada goose outlet, new balance outlet, ugg soldes, ferragamo shoes, uggs outlet, soccer jerseys, mac cosmetics, herve leger, celine handbags, wedding dresses, vans outlet, chi flat iron, bottega veneta

4:16 f.h., desember 01, 2014  
Blogger oakleyses said...

pandora charms, moncler, toms outlet, timberland shoes, ray ban, hollister clothing, swarovski uk, canada goose, montre femme, ralph lauren, converse shoes, ugg, moncler, supra shoes, pandora uk, hollister, links of london uk, swarovski jewelry, uggs canada, baseball bats, gucci, lancel, canada goose, pandora jewelry, wedding dress, juicy couture outlet, moncler, hollister canada, thomas sabo uk, canada goose, iphone 6 case, coach outlet, replica watches, oakley, canada goose pas cher, parajumpers outlet, louboutin, moncler, moncler outlet, air max, karen millen, converse, vans, moncler, moncler outlet, louis vuitton canada, juicy couture outlet, nike air max

4:19 f.h., desember 01, 2014  

Skrifa ummæli

<< Home